Categories

اعلان

Loading…

په کراچۍ کې د پښتنو د قتلونو خلاف مظاهره

تاند- د پاکستان په کراچۍ کې د یوه پښتون، چې په بې رحمانه ډول وژل شوی، د مړي له موندل کېدو وروسته د هغوی خپلوانو او یو شمېر کراچۍ مېشتو پښتنو مظاهره وکړه.

د موسي خان خان مړی، چې تېره اوونۍ له خپل ورور عیسي خان سره د نامعلومو کسانو له لوري تښتول شوی و، د جمعې په ورځ وموندل شو.

په کراچۍ کې له کلونو راهیسې پښتانه په دې ډول وژل کېږي خو پښتانه خپل غږ نه پورته کوي مګر نن /جمعه/ یو شمېر پښتنو وروسته له دې په کراچۍ کې مظاهره وکړه چې په اسلام اباد کې د منظور پښتین په مشرۍ د پښتنو سوله ییز اعتراض ظاهراً نتیجه ورکړه.

د ۳۴ کلن موسي خان مړی د پنجشنبې په ورځ د کراچۍ سوپرهايي وې ته نژدې وموندل شو.

د پاکستاني رسنیو د راپورونو له مخې، د موسي خان پر بدن د شکنجې نښې له ورایه ښکاري.

د ده جنازه د سوپرهايي وې د سیمې په خلجي ګوټ کې خاورو ته وسپارل شوه.

د ده پلار پولیسو ته وویل، موسي او ورور یې عیسي خان درې ورځې وړاندې په ګداپ ټاون کې د څو تنو له لوري له خپل کوره بېول شول.

د عیسي خان او موسي خان پلار د خپلو زامنو د بې درکه کېدو په اړه پولیسو ته شکایت ونه کړ، ځکه چې د کراچۍ پولیسو د پښتنو ضد عناصرو سره لاس یو دی. ده د پولیسو پر ځای محکمې ته شکایت وکړ خو د موسي خان مړی مخکې تر دې وموندل شو چې محکمه اقدام وکړي.

د موسي خان د جنازې له خاورې ته سپارلو وروسته د ده خپلوانو او د عقلخېل قبیلې غړیو مظاهره وکړه او د موسي خان د وژل کېدو او د نوموړي د بې درکه ورور په اړه د عدالت او تحقیقاتو غوښتنه وکړه.

مظاهره چیانو خبرداری ورکړ چې که د دوی غوښتنې په ۲۴ ساعتونو کې ونه منل شوې، دوی به په اعتراض او مظاهرې د سوپرهايي وې لاره بنده کړي.

په کراچۍ کې د نقیب الله مسید له وژل کېدو وروسته د لومړي ځل لپاره پښتانه د هغو وژنو په وړاندې اعتراض کولو ته مجبوره شوي چې له کلونو راهیسې په پاکستان، په ځانګړي ډول په کراچۍ کې روانې دي.

نقیب الله مسید هم په کراچۍ کې د پولیسو په یوه جعلي مقابله کې وژل شوی و.

21 total views, 2 views today

1 comment

  1. Baba jan Reply

    پښتنو که را پورته نه شي او په خپلو کې سره يوالی او اتفاق ونه کړي نو همداسې به يو يو رانه ورک شي او بيدريغه به قتليږو

Leave a Reply

Your email address will not be published. Required fields are marked *