Categories

اعلان

Loading…

د پاکستان لوی درستیز کابل ته راغی

تاند- د پاکستان لوی درستیز جنرال جاوید باجوه نن /سې شنبه/ کابل ته راورسېد چې د لوی درستیزانو په کنفرانس کې ګډون وکړي.

په دې کنفرانس کې د افغانستان لوی درستیز او د امریکا د قواوو مرکزي قوماندان جنرال جوزیف فوټل او په افغانستان کې یو شمېر مېشت جګپوړي امریکايي قوماندانان ګډون کوي.

همدا راز د ازبکستان او قزاقستان لوی درستیزان هم په دې غونډه کې، چې د جوړېدو نوښت یې امریکا کړی دی، ګډون کوي.

د پاکستان لوی درستیز په داسې حال کې کابل ته راځي چې د روانې اوونۍ په پیل کې د افغانستان او پاکستان د بهرنیو چارو د مرستیال وزیرانو په مشرۍ د دوو هیوادونو د پلاوو خبرې بې نتیجې پای ته ورسېدې.

د افغان پلاوي په وینا پاکستان د افغانستان د اصلي غوښتنو منلو ته تیاري ونه ښوده.

د پاکستان په خاوره کې د افغان ترهګرو د پناهځایونو له منځه وړل د افغانستان اصلي غوښتنه وه خو پاکستان وویل، دا کار تر هغو نه شي کولی چې ټول افغان کډوال افغانستان ته تللي نه وي.

46 total views, 3 views today

1 comment

  1. بشير Reply

    اول دي دپاکستان لوئ درستيز بوړه دهغه تير سفر چه کابل ته راغلي وو او دريس جمهور اشرف غني ته يي وعدي ورکړي وي تشريحات ورکړي چه تر کومه ځايه دوئ عمل په کړي دي.که ددي پلا هم دوخت او دخطا ايستلو لپاره دلته راغلي دي دا دافغانانو قاتل

Leave a Reply

Your email address will not be published. Required fields are marked *