Categories

اعلان

Loading…

محقق: له شیعه ګانو: په تېره بیا هزاره ګانو سره تبعیض کېږي

تاند- د اجرايي رييس دوهم مرستیال محمد محقق وايي د افغانستان له شیعه ګانو په ځانګړې ډول هزاره ګانو سره تبعیض کېږي.

محمد محقق، چې د افغانستان د خلکو د اسلامي وحدت ګوند مشر هم دی، د امریکا له سفیر جان بس سره په کتنه کې وویل، د افغانستان خلک په ځانګړي ډول هزاره ګان او شیعه ګان د سولې او دیموکراسۍ پلویان دي او په تېرو ۱۶ کلونو کې د افغانستان شیعه ګانو دولت جوړولو، ولسواکۍ او زده کړو ته زیاته مخه کړې، اوس هم د نظام او ولسواکۍ په ملاتړ کې ځانګړی ځای لري.

محمد محقق په عین حال کې وویل چې په تېره یوه نیمه لسیزه کې له دې سره سره چې هزاره ګانو د دولت ملاتړ کړی، دوی ته هغسي پام نه دی شوی چې باید شوی وای.

د اجرايي رييس د مرستیال له دفتره د خپرې شوې خبرپاڼې له مخې، ښاغلي محقق د کابل، میدان، بامیان، غور او هرات د لارې یادونه وکړه، ویې ویل دا پروژه څلور هزاره او ایماق مېشتي ولایتونه سره نښلوي او د درې نیم ملیونه وګړو اقتصادي ژوند ښه کوي، خو د نړیوالې ټولنې له ۱۷ کلن حضور سره سره دا لویه لار لا هم بشپړه شوې نه ده او دا د دغو سیمو له خلکو سره د تبعیض نښه ده.

ده وویل چې د شیعه ګانو پر جوماتونو د داعش ډلې په حملو کې ۱۲۰۰ تنه وژل شوي یا ټپیان شوي او باید د شیعه مېشتو ولایتونو امنیت ته لا زیات پام وشي.

محقق له عطا نور، جنرال رازق او جنرال دوستم سره د ارګ د اختلافاتو یادونه وکړه او ویې ویل چې باید د دواړو خواوو غوښتنو ته پام وشي.

محقق وویل چې باید امنیتي ځواکونه په سیاسي مسایلو کې مداخله ونه کړي.

102 total views, 1 views today

5 comments

  1. لالا،بټنوال Reply

    دا ئې ونه ويل چې په سوريه کې لوای فاطميون بايد د افغاني شیعيه ګانو لخوا تقویه شي ، او زمونږ سره اقتصادي مرسته وشي چې دخپلو ځوانانو مړي وطن ته راوړو

  2. بشير Reply

    محقق دهزاره ګانو دنوم څخه ناوړه استفاده کوي او دهزارهګانو تر نوم لاندي وخپلو شخصي مفاداتو او دخپلو بادارانو دمفاداتو په خاطر استفاده کوي او کړيده.ښه مثال يي دايران شعيه مرتدد اخوندي رژيم په نفعه دفاطيمينو لښکر جوړول او په سوريه کي جنګول .يوازي ددايکونډي په ولسوالي کي ۱۰۰په ۱۰۰کي هر کال دهيواد وهغه ټاپ فاکولتو ته کامياب کيږي چه دپښتنو په ټولو ولايتو کي داتعداد نسته .دهيواد په امنيتي او دفاعي ساحو کي ددوي پشک چاپ يعني هزاره ګانو دحوزو اميرين دي چه بخوا به يي باغلي خر څول او اوس دهيواد هغه حساسي پوستونه ددوئ پلاس کي دي .نو دئ ولي خپل بادار ته شکايت کوي ؟خپله تر مخه خردوان وو او اوس داجراييه دريس معاون دي

  3. Dr.Atal Reply

    د محقق اشتها او غوښتنی ډیری لیونی او احمقانه دی ، د تیرو حکومتونو محدودیتونه باید تدریجی او ارزونی نه وروسته زیات یا کم شوی وای مګر د ایران کڅوړو که څه هم ارزښت یی ډیر کم او شرم یی زیات او تاریخی سابقه د افغان په تاریخ کی نلری خو دبن مصیبت یو ندی معامله ګرو نادیده حکامو هر ډول فساد ته لار خلاصه کړه او د داخلی او بهرنی شر اچوونکو لاره کی هیڅ خڼډ او ځند نه پیښیده او مفسد حکامو هم زمینه سازی کوله ، ځکه دوی له غلا ، انحصار او رشد د رذایلو پرته ، بله تجربه او فهم نه درلود ، او همدا په فساد کی مسابقه وه چی د افغانستان اداره سرخیل مفسدین ،ثابته او معزز ملت یی بدنام کړ.
    دهمدی فاسدی اداری په دور کی فاطمیون وخوټیدل هغه هم د تاریخی ملی خاینانو په لاس چی بی حده صلاحیتونه ورکړ شوی او ټول قیودات کڅوړو یوړل.
    اوس د داعش راتګ افغانستان ته یو قوی عامل یی د محقق فاطمیون دی

  4. Fahimjan Reply

    وايي يو پتى يي وخورهته يي أوس هم بودنه بولي. محقق تول أفغانستان په خيته ووهه أو أوس هم نور حق غواري. ده هم له معلم عطا نه زده كري دي چي په وچ زور يي تول شمال وخوره أو مداريان هم ورته وازه خوله ناست دي.

  5. صا لح محمد Reply

    دا ئې ونه ويل چې په سوريه کې لوای فاطميون بايد د افغاني شیعيه ګانو لخوا تقویه شي ، او زمونږ سره اقتصادي مرسته وشي چې دخپلو ځوانانو مړي وطن ته راوړ

Leave a Reply to بشير Cancel reply

Your email address will not be published. Required fields are marked *