Categories

اعلان

Loading…

په اسلام اباد کې ستر لاریون ناکام و که کامیاب

تاند- پښتنو په اسلام اباد کې په بریالیتوب خپلې غوښتنې د عدم تشدد له لارې پر چارواکو ومنلې. د څلور اونیو وخت یې له پاکستاني چارواکو واخیست، که یې غوښتنې په دې ترڅ کې ونه منل شوې بیا سره راغونډیږي او خپل حق به ترلاسه کوي.

په اسلام اباد کې د پښتنو د ستر لاریون یوه مشر منظور احمد پښتین نن وویل چې حکومت دوی ته لیک سپارلی دی او په هغه کې یې ژمنه کړې ده چې د یوې میاشتې په موده کې به یې ټولې غوښتنې مني.

پښتین زیاته کړه که یې چیرته په دې یوې میاشتې کې غوښتنې ونه منل شوې بیا به احتجاج کوي خو د ده دا خبره له ګواښه ډکه وه، چې ویې ویل، بل ځل به د بلوڅانو په څير هڅې کوي. بلوڅان له څو کلونو راپه دې خوا د بلوچستان د ازادي لپاره وسله واله مبارزه کوي.

دا احتجاج د جنوري په ۲۶ له بنو شرووع شو، بیا د کوهاټ او پیښور له لارې تر اسلام اباد ورسیده. د فبروري په لومړۍ نتیټې د غونډې برخه والو د اسلام اباد پریس کلب مخې ته واړول..

د پښتنو د لاریون د پای ته رسیدو پریکړې ته په دوه نظره کتل کیدای شي:

یو: ښایي اسلام اباد داسې فکر کوي چې یوه میاشت ډیر وخت دی بیا به پښتانه داسې یولاس سره راغونډ نه شي

دوه: ښایي یوه میاشت وروسته د پښتنو احتجاجونه نور هم زور واخلي

ممکن ډير دا باور وکړي چې د اسلام اباد مشران په تیرو نژدې دوو لسیزوو کې تل په غولونکي سیاست کې بریالي شوې دي، خو بل لور ته دا سوال مهم دی چې د ( لانګ مارش) له لارې پښتنو څه ترلاسه کړي او په موقت ډول یې له پای ته رسولو سره څه له لاسه ورکړې دي؟؟

له اسلام اباده وروسته په ډیرو سیمو کې، سوات، لواړګې، بنو، کوټې، کابل…او یو شمیر نورو سیمو کې د اسلام اباد د غونډې په ملاتړ غونډې وشوې ان د ملاتړ د غونډو لړۍ تر اروپا، استرالیا او امریکا خوره شوه بل ځل به اعتراضونه چې مخکې تر مخکې پرې اسلام اباد خبر هم وي داسې رنګین نه وي. که داسې وشوو د پښتنو دغه سترپاڅون به د خپل هدف په ترلاسه کولو کې پاتې راغلی وي، خو که چیرته همداسې شول بیا هم که ورته وکتل شي دغې سترې غونډې د فبروري له لومړۍ راپه دې خوا په اسلام اباد کې خپل رښتونی هدف ترلاسه کړی دی.

د دې غونډې له لارې د بیلابیلو سیمو پښتنو خپلې ستونزې له یوه بل سره شریکې کړې. د قبایلو خلکو نورو پښتنو ته وویل چې زه هم په مدرسه کې د ترهګر په نوم وژل شوی یم، هم په  ښوونځي کې، هم په دفتر کې، هم پر لاره…

د پیغامونو د شراکت ترڅنګ پښتنو دا خبره هم د یوه بل تر غوږونو وروسوله چې د اسلام اباد تر واک لاندې سیمه کې پښتون ته په څه سترګه کتل کیږي او اصلي علت یې پنجاب دی.

بل لور ته د اسلام اباد په ستر لاریون کې نړیوالو ته پښتنو یوه مهم پیغام ورساوه، دوی دا ورته ثابته کړه چې په لسو ورځو کې یې داسې اعتراض وکړ چې نه پکې د چا پوزه وینه شوه، نه پکې چاته ښکنځلې وشوې، نه پکې بې نظمي راغله او په دې غونډو کې د پښتنو د میرمنو او نجونو پراخه برخه وه.

په تیرو نژدې دوو لسیزو کې نړیوالو رسنیو ته چې وکتل شي نو پښتنو ته پکې په دې سترګه کتل شوې دي چې دوی ترهګر دي، خپلې نجونو او ښځې هم نه پریږدي چې له کوره راووځي او د یوه انسان په توګه ژوند وکړي.

د اسلام اباد د غونډې تر پای ته رسیدو یوه ورځ مخکې د افغانستان د ولسمشر اشرف غني دا پيغام چې دا پښتانه په سیمه کې د بنسټپالنې د پای ته رسیدو لپاره او د ترهګرۍ د ختمولو لپاره راغونډ شوې دي، دې اعتراض ته نوی رنګ ورکړ.

تر دې مخکې د اعتراض کوونکو غوښتنې  دا وې چې په کراچۍ کې د جنوري په ۳ د نقیب الله مسود قاتل راو انور چې خپله پولیس دی ونیسي، له محکمې پرته دې د پښتنو د وژلو لړۍ پای ته ورسیږي، تري تم شوي پښتانه دې پیدا شي، له قبایلي سیمو دې ماینونه پاک شي او د امنیتي ځواکونو له لورې دې له دوی سره غیرانساني چلند پای ته ورسیږي. خو د ولسمشر غني له پيغام وروسته چې په کوټه کې کوم احتجاج وشو په هغه کې پر دې ټینګار وشو چې ترهګرو او پنجاب ته نه ووایي.

د اسلام اباد لاریون پښتنو ته یو ځل بیا د باچا خان نظریه ثابته کړه چې د عدم تشدد له لارې که لاس یو کړي خپل هدف ترلاسه کولی شي، خو که چیرته په ۴ اوونیو کې د پاکستان دننه او په قبایلو کې د دوی غوښتنې ونه منل شوې بیا به هم د عدم تشدد له لارې د اسلام اباد واکمنان مجبوره شي چې دوی ته لیک ورکړي؟

دا هغه سوال دی چې یوه میاشت باید ورته منتظر پاتې شو، خو په دې یوې میاشتې کې که چیرته پښتانه غواړي چې خپلې ستونزې هوارې کړي نو پکار ده چې د فیسبوک او نورو ډله ییزو رسنیو له لارې د خپلو حقونو مساله ژوندۍ وساتي او د میاشتې تر اخره انتظار نه شي.

د فیسبوک له لارې دوی کولی شي چې د خپلو سیمو د تشدد ویډیوګانې خپرې کړي، د خپلو سیمو خلک منظم کړي که له چا سره زیاتی وشو ژر د هغه په اړه په ډله ییزو رسنیو کې معلومات شریک کړي دا او دې ته ورته سوله ییزې هڅې باید تر هغه وخته زیاتې شي چې د پښتنو هڅې له بلوچانو سره څنګ په څنګ موازي کیږي.

371 total views, 1 views today

3 comments

  1. اسلم Reply

    بس په یوه زای کی چی اوبه تیری شی بیا به هم تیریزی نو پشتون را بیدار شو

  2. ملنک Reply

    ډ پاکستان سیاست د انګریزانو د سیوری لاندی ځرخی. خدای د نکړی چه دا هلی ځلی ناکامه شی. افغان حکومت پکار ده چه د پښتنو شاته و دریژی او پښتنو او بلوڅلو ملاتړ وکړی. په دغه یوی میاشت کی باید پښتنانه او بلوڅ له هر اړخه تقویت شی څو یوه میاشت ورسته د یوه عظیم انقلاب په شکل نړی وښیی چه پښتنانه د عدم تشدد له لاری کولی شی چه خپل حقوق او لوی افغانستان تر لاسه کړی

  3. روح الله روحانی Reply

    زه خوایم چې خدای مکړه په یوه میاشت کې هغه خلک چې دا حرکتونویې رهبری کول د ای اس ای له خوا ونه وژل شي

Leave a Reply

Your email address will not be published. Required fields are marked *

۸

د خپلواکۍ 100 کالیزه Independence

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور

فرخنده باد صدمین سالگرد استرداد استقلال افغانستان

استاد عارف نظر صدسال پیش از امروز مردم آزاده افغانستان، ثمره جانبازی ها، قهرمانی ها و مبارزات استقلال طلبانه فرزندان خویش…

فرخنده باد صدمین سالگرد استرداد استقلال افغانستان

20 Aug 2019 خپلواکي مقالات دری تاند No comments

نور

د غازي امان الله خان سل ارمانونه

1.        افغانستان منظم مالیاتي سیستم ولري 2.      افغانستان قوی مالي نطام ولري 3.      افغانستان خپلې پیسې ولري 4.      افغانستان خپل تولیدات ولري 5.      افغانستان خپله بريښنا ولري 6.      افغانستان توکي ټولې…

د غازي امان الله خان سل ارمانونه

19 Aug 2019 خپلواکي مقالې تاند No comments

نور

 بیست و هشت اسد؛ روز استقلال کشور! | توفیق عظیمی

بیست و هشتم اسد، حماسه یک روز، افتخار جاویدان، روز استرداد استقلال کشور است، که از آن ۱۰۰ سال میگذرد. در بیست و…

 بیست و هشت اسد؛ روز استقلال کشور! | توفیق عظیمی

19 Aug 2019 خپلواکي مقالات دری مقالې تاند No comments

نور

د خپلواکۍ فکر | معروف افغان

ازادي او خپلواکي، دوه جلا مفاهیم افاده کوي او لازمه ده چې جلا جلا چلندونه ورسره وشي. د ازادۍ په…

د خپلواکۍ فکر | معروف افغان

18 Aug 2019 خپلواکي مقالې تاند No comments

نور

بلخي نجلۍ او ځوان د خپلواکۍ په ورځ په اماني…

تاند، دوشنبه د اسد ۲۸مه: په بلخ کې یوې ناوې او زوم د خپلواکۍ د سلمې کلیزې له ورځې سره…

بلخي نجلۍ او ځوان د خپلواکۍ په ورځ په اماني کالیو کې واده وکړ

19 Aug 2019 خبرونه خپلواکي م. عاصم خوږیاڼی Comments (1)

نور

طالبانو بغلان کې د خپلواکۍ سلمه کلیزه نمانځلې ده

تاند، دوشنبه، د اسد ۲۸مه: طالب ویاند ذبیح الله مجاهد وایي، جنګیالیو یې نن تر خپلې ولکې لاندې ځینو سیمو…

طالبانو بغلان کې د خپلواکۍ سلمه کلیزه نمانځلې ده

19 Aug 2019 خبرونه خپلواکي م. عاصم خوږیاڼی Comments (1)

نور

د خپلواکۍ لمانځل څه ګټه لري؟

لیکنه: نورالله غازي هیوادونه د خپلواکۍ په لمانځلو سره خپلو خلکو ته بیا بیا وریادول غواړي چې دا هیواد داسې په…

د خپلواکۍ لمانځل څه ګټه لري؟

19 Aug 2019 خپلواکي مقالې تاند No comments

نور

غازي امان الله خان ته | ګل آغا احمدي وردګ

رښتیا هم چې تا سل کاله مخکې په نره توره د افغانستان آزادي له اشغالګرو انګرېزانو څخه بېرته واخیسته او…

غازي امان الله خان ته | ګل آغا احمدي وردګ

19 Aug 2019 خپلواکي مقالې تاند No comments

نور

د افغانستان د خپلواکۍ ستونزمن مزل

لیکنه: محمد نور الهام افغانان د ۲۰۱۹ کال د آګسټ په ۱۹مه چې د ۱۳۹۸ ل ل د زمري له ۲۸مې…

د افغانستان د خپلواکۍ ستونزمن مزل

19 Aug 2019 خپلواکي مقالې تاند No comments

نور
  • 1
  • 2