Categories

اعلان

Loading…

د خوشحاله ژوند لپاره اته (۸) لارې چارې

ژباړن: حضرت عثمان نوري   

په ژوند کې څومره خوشحاله یاست؟ ژوند مو څومره بریالی بولئ؟ او که ژوند مو د بریاوو او خوښېو لرې وي، څه باید وکړئ؟ موږ دلته اته لارې چارې روښانه کوو چې که تاسې یې عملي کړئ، خپل ژوند ته مو پرې خوښي ورکولی شئ.

لومړی: خپلو راتلونکو خوښېو ته انتظار وکړئ

که تاسې د یوې منظمې خوشحالۍ مراسم ترسره کول غواړئ، نو ورته په تمه پاتې شئ او یو منظم پلان ورته ونیسئ؛ ځکه ځيني وختونه تاسو ددې فرصت نه لرئ چې خوښي مو څنګه او له کوم ځایه راپېل او په کوم ښه پلان پای ته ورسوئ. په هغه څه تمرکز زیات کړئ چې تاسو ورته ډېره اړتیا لرئ او تر هر څه ډېر لومړیتوب ولري.

 دوهم: له ژونده مو راضي اوسئ

لکه څنګه چې د لمر په راختلو یو تازه صبا پېل او د لمر په پرېوتلو شپه جوړیږي؛ دغه شان ستاسو ژوند هم بدلون کوي. که تاسې غواړئ دا یو څو ورځې ژوند په خوښۍ تېر کړئ، نو ښه خبره دا ده چې له ژوند او زنده ګۍ مو راضي واوسئ. راتلونکي ته پوره هیله مندي ولرئ او خپلې چارې په ښې لېوالتیا مخته یوسئ.

دریم: خپل ژوند ته مو پوره پاملرنه د ژوند یوه برخه وګرځوئ

اروا پوهان وايي: که تاسې ځان ته پام کوئ، دا په دې معنا ده چې تاسې په خپل ژوند پام کوئ، ژوند ارزښتناک دی او ورته احترام لرل ستاسو راتلونکی روښانه کوي. دا چې انسان د وخت په تېرېدو سره د ډول ډول ازموینو سره مخ کیږي، نو باید د سمې پرېکړې خاوند اوسي او داسې پرېکړه وکړي چې راتلونکي ژوند ته یې بده پایله ونه لري.

څلورم: تل خوشحاله چلند کوئ

ښه اخلاق، ښه رویه او ښه سلوک د خوښ ژوند سترې بېلګې دي. که تاسې په خپل ټولنیز ژوند کې له ملګرو، کورنۍ او د دفتر له غړو سره ښه چال چلند کوئ، دا ستاسو تر مېنځ اړیکې لا غښتلې کوي. د یوبل هڅونه او مرسته ستاسو د چارو په مخته تګ کې ښه رول لوبولی شي، او دا کار په ښه چال چلند کیږي.

پینځم: اندېښنه مه کوئ

اندېښنه د فکر او سوچ څخه وروسته راځي او خوښي مو ورسره پرې لمېنځه ځي، اروا پوهان وايي: د خوښ ژوند لپاره یو فرمول شته چې هغه د فکرونو بدلون دی، که تاسې څه کوئ، لومړی پرې له ځان سره فکر وکړئ او بیا یې په منظم ډول مخته یوسئ، ددې اندېښنه مه کوئ چې ممکن کار مو ښه پایله ونه لري، بلکې د اندېښنې پر ځای مو چارو ته پام وکړئ.

شپږم: د کوچنېو شیانو قدر وکړئ

دا مه وایئ چې دا چندان څېز نه دی، بلکې تر هر څه لومړی ارزښت کوچنېو څيزونو ته وکړئ، ځکه پېل په کوچنۍ بریا کیږي، خو پای یې بیا په سترو لاسته راوړنو لمانځل کیږي.

اووم: د خپلې سیمې (شاوخوا) مثبتو خلکو سره اړیکې ټینګې کړئ

د ښه فکر خاوندان تل له ښو خلکو سره اړیکې لري او له هغویو سره ښه راشه درشه لري، لامل یې دا دی چې دوی خوښ ژوند غواړي او دا ازمویل شوې خبره ده چې د ښو ملګرو سره ناسته پاسته د خوښ ژوند یو ستر مثال دی.

اتم: څه نا څه موسکا وکړئ

د اروپوهنې له نظره: مٌوسک کېدل د انسان د ذهن او روان په  فشار کمولو کې خورا ښه رول لوبوي. که تاسې هر وخت په غصه یاست او جدیت مو غوره کړی وي، نو دا چاره ستاسو لپاره د تریخ ژوند پېلامه ګرځي؛ لږه مٌسکا ستاسو د ژوند اړیکې له ملګرو، کورنۍ او د فتر له غړو سره په خورا ښه ډول پیاوړې کولی شي.

ـــــــــــــــــــــــــــــــــ

پای

February 6, 2018

247 total views, 3 views today

1 comment

  1. محمد مختار Reply

    Yes that is Really important that we Must smiling in our daily life.

Leave a Reply to محمد مختار Cancel reply

Your email address will not be published. Required fields are marked *