Categories

اعلان

Loading…

طالبانو! دغه خوار او مظلوم ولس نور په اور مه اړﺉ  

ودان روښان    

د سپینې ماڼۍ  یوې خبرپاڼې لیکلي چې د امریکا ولسمشر ډونالډ ټرمپ په سیمه کې امریکايي قوماندانانو ته واک او سرچینې ورکوي، چې په افغانستان او پاکستان کې د ترهګرو خوندي پټنځایونه له مینځه یوسي.

د خپرو شویو رپوټونو له مخې په وروستیو کې له ډیورنډ کرښې هاخوا قبایلي سیمو کې د امریکايي بې پیلوټه الوتکو بریدونو زور اخیستی او ویل شوي، د حقاني شبکې څو قوماندانان یې وژلي دي.

سره له دې چې پخوا هم له ډېورنډ کرښې هغې غاړې ته، د تحریک طالبان پاکستان او القاعده شبکې ځینې قوماندان د امریکایي بې پیلوټه الوتکو بریدونو ښکار شوي وو خو د حقاني شبکې او طالبانو مشران او قوماندانان ځکه ترې خوندي پاتې شوي وو چې د په نښه شویو په اړه رپوټونه د پاکستان پوځي څارګرې شبکې یا هم دهمدې شبکې ځرو امریکایانو ته ورکول نو ځکه خو د حقاني شبکه او طالبان ترې خوندي وو. په دغه ځای کې د طالبانو مشر ملا اختر محمد منصور مسله جلا ده چې د امریکا بې پېلوټه الوتکې برید کې ووژل شو، دا ځکه چې وروسته مالومه شوه په دې پېښه کې هم د ای اس ای لاس و، دلیل یې هم روښانه دی او هغه دا چې ملامنصور ځینې کارونه د ای اس ای له خوښې پرته کړي و، پر خپل سر ایران ته تللی او ښایي نورو لورو سره یې هم ګوتې پټې کړې وې او بله دا چې د هیرویینو کار وبار یې هم خپله کاوه او ښایي څومره تمه چې ای اس ای ترې لرله چې د هیرویینو له کار وباره ونډه ورکړي، نه به یې ورکوله نو ځکه خو یې د امریکایانو پر ډرون برید ونډۍ ونډۍ  کړ.  

تر دغه اعلان مخکې د امریکا ولسمشر ډونلډ ټرمپ ویلي و چې طالبان بیګناه خلک وژني او دوی به خبرې ورسره ونه کړي.

د امریکا ولسمشر تېره اونۍ په سپینه ماڼۍ کې څرګنده کړې وه  فکر نه کوي  اوس دوی له طالبانو سره خبرو ته چمتو وي.

ولسمشر ټرمپ دا څرګندونې له هغه وروسته وکړې چې په کابل او ننګرهار کې د ځان مرګه بریدونو شاوخوا ۲۰۰ ملکي وګړي ووژل او له ۳۰۰ زیات نور یې ټپیان کړل.

د ولسمشر ټرمپ په وینا طالبان له توپیر پرته خپل خلک وژني، بیګناه ښځې او ماشومان وژني او په وینا یې دا ډېر وحشتناک دی نو ځکه امریکا له طالبانو سره خبرې نه کوي.

 د ولسمشر ټرمپ له قوله ویل شوي و هغه کار به وکړي چې نورو نه دی کړی.  

ولسمشر ټرمپ وویل هغه څه ختموي چې باید ختم یې کړي  او په وینا یې بل هیچا هم دغه کار ختم نه شو کړی، دی یې ختمولی شي د خبرو له پاره به وخت وي، خو ډېر وخت به ونیسي.

د ټرمپ له خبرو داسې ښکاري چې امریکایي ځواکونه به هر ډول وسلې وکاروي چې په دې سره به وچ او لامده ګډ وسوزېږي.

د ټرمپ د خبرو تفسیر اړین دی خو خپله د ټرمپ په اړه ویل شوي څه چې لیدل شوي هغه هر ډول عمل ته چمتو ښکاري. د بېلګې په توګه په کونړ کې د بمونو مور په نوم ستربم د همدغه سړي په واکمنۍ کې وکارول شو. همدغه راز، له شاوخوا ۴۰ کالو راهیسې د امریکا هر ولسمشر ویلي و چې بیت المقدس به د اسرایلو پلازمینې په توګه په رسمیت پېژني خو یوه یې هم دغه کار ونه کړ خو موږ او تاسې ټولو ولیدل چې ټرمپ دغه کار هم وکړ.

کله چې دی وایي هغه کار به وکړي چې نورو نه دی کړی مانا دا چې له هیڅ راز، وسلې کارولو به مخ وانه ړوي.

بله دا چې ټرمپ وایي پوځي قوماندانانو ته به ډېر واک او ډېر وسایل ورکړي دا په دې مانا ده چې پوځیان به په عملیاتو کې خلاص لاس ولري او ځواب ویونکي به نه وي او دا هم روښانه ده چې پوځیان تل د جګړې په ډګر کې د بري او غلیم ته له ماتې ورکولو پرته تر ډېره د بل څه په اړه فکر نه کوي یوازینی څیز چې له بري وروسته دویمه درجه ارزښت ورته لري هغه د خپلو سرتېرو مرګ ژوبلې مخنیوی دی او بس، ددغو دواړو موخو له پاره دوی هرډول اقدام ته چمتو دي په تېره چې د ټرمپ په شان ولسمشر ملاتړ او ډاډ هم له ځانه سره ولري نو اوس تاسې (طالبانو) فکر وکړﺉ چې په دغه خوار او بې دفاع ولس به څه راشي اوس خو نه د تېښتې ځای شته او نه په خلکو کې دتیښتې توان.

بیا یې وایم که تاسې (طالبان) جګړه کوﺉ له تردید پرته امریکایان بمونه درباندې غورځوي پردې خو ښه سر خلاص کړﺉ چې د جبهه یي جګړې فرصت نور نه درکوي اوس یې هم ګورﺉ چې هر ځای مو په نښه کوي، په ډاتسن کې، په واړه موټر کې او ان پر موټر سایکل مو سپاره ولي، هیڅوک یې هم مخه نه شي نیولی هر ډول بم چې ګټور وګڼي کاروي یې، تاسې که وغواړﺉ یا ونه غواړﺉ اړیاست چې ځانونه په کلیو کې پټ کړﺉ او دوی مو کلیو کې هم نه پرېږدي په دې سره به بیا هم اصلي قرباینان بې ګنا ملکي وګړي وي، پایله روښانه ده او هغه د مظلوم ولس تباهي! ماشومان، ښځې، زاړه، ځوانان او نور به په وینو کې ولمبېږي، کلي به وران شي، باغونه او کروندې به شاړې شي، په دې سره یوازې د هغو کړیو او لورو هیله پوره کېږي چې له کلونو کلونو ددغه حالت ارمانجن و او دا هیله به یې  ترډېره تاسې(طالبان) پوره کړﺉ!

یو ځل بیا یې واورﺉ طالبانو! ډېر چانسونه مو له لاسه ورکړل پخوا به تاسې هم ویل چې له امریکایانو سره خبرې غواړﺉ او له افغان دولت سره نه! امریکایانو به هم کله ناکله ویل چې طالبانو سره کار نه لري او دوی القاعده او ترهګرو پسې راغلي خو اوس خبره بل ډول ده او امریکایان وایي خبرې نه درسره کوي.  

کرزي او غني به که هرڅو چیغې ووهلې، عذر او زارۍ به یې درته وکړې خو تاسې یوازې د یوه لوري خبره اورېده او منله چې ویل یې جنګ او جګړه وکړه ګټې یې! خو دلیل یې نه درته وایه چې څنګه او په څه شي به یې وګټې؟

دې ته مو هم پام شوی چې په افغانستان کې ددې نږدې ۴۰ کلنې جګړې ډېر زیان چا ګاللی او ولې یې ګاللی؟ ولې په یوه ځانګړې جغرافیه کې دغه اور بل دی؟ څوک پر دغه اور د څه له پاره تیل پاشي؟ دا تصادفي نه بلکې د یو اوږدمهاله او بېلابیلو لورو جوړ کړي پلان له مخې دغه اور بل کړی شوی خو د سونګ توکي یې موږ یو.

کله به چې کرزي او غني درته وویل چې را شئ د خدای په پار سوله وکړﺉ نو له هرې خوا به د هغو کړیو شور ماشور جوړ شو چې له یوې خوا خپلې ګټې د جګړې په دوام کې ویني او له بلې خوا د نورو اجنډا پلې کوي. هغوی ولې د سولې مخالفت کاوه او یا یې کوي؟ روښانه ده ځکه چې دغه شاوخوا ۴۰ کاله د جګړې زیان او ګټه چاته رسېدلي؟

جګړه غوښتونکي او د سولې مخالف لوري د چا تباهي غواړي؟ او تاسې کوم لورته روان یاست؟ یو ځل ښه په ګریوان کې سرونه کښته کړﺉ په دې جګړه کې چا ګټه وکړه او چا زیان ولید؟ تاسې(طالبان) په دې جګړه کې څومره خپلو موخو ته نږدې شوﺉ؟

اوس هم روښانه ده چې د امریکا د قهر زیان به تر ډېره چا ته ورسېږي؟

لا هم وخت شته د سولې ځینې کړکۍ ان که وړې هم دي او نرۍ لارې لا هم پرانیستې دي او که رښتیا خپل واک یاست مه ځانونه تباه کوﺉ مه دغه د ویر پر ټغرناست ولس!  

263 total views, 1 views today

Leave a Reply

Your email address will not be published. Required fields are marked *

۸

د خپلواکۍ 100 کالیزه Independence

د اسد د ٢٨مې جشن کمرنګه دى

 نن د اسد اته ویشتمه د بریتانیا د وخت له امپراطورۍ څخه  د افغانستان د خپلواکۍ د بیرته لاسته راوړلو…

د اسد د ٢٨مې جشن کمرنګه دى

19 Aug 2013 خبرونه خپلواکي Taand.Com Comments (4)

نور

د اسد د میاشتی ۲۸ د افغانستان د آزادی ورځ/…

نن د چهار شنبی ورځ د اسد د میاشتی ۲۸ نیټه ذه. دا هغه ورځ ده چې ۹۶ کاله پخوا په…

د اسد د میاشتی ۲۸ د افغانستان د آزادی ورځ/ محمد اجمل زرمتی

19 Aug 2015 خپلواکي مقالې تاند No comments

نور

خپلواکي/ ليکوال : محب الله آرمل

د زمري اته ويشتمه د افغانستان د خپلواکۍ ورځ ده، له نن نه ۹۶ کاله وړاندې په ۱۲۹۸ لمريز کال…

خپلواکي/ ليکوال : محب الله آرمل

19 Aug 2015 خپلواکي مقالې تاند No comments

نور

د اسد (۲۸) مه د افغانانو د ازادۍ ورځ

استاد لطيف الله حميد - ((د اسد پر (۲۶)مه نېټه د شپې پر اتو بجو د ژوندون ټلوېزيون په انګړ کې…

د اسد (۲۸) مه د افغانانو د ازادۍ ورځ

19 Aug 2015 خپلواکي مقالې تاند No comments

نور

افغانستان ولمانځو که خپلواکي؟ د اکمل داوي

 دا اوونۍ ګڼو افغانانو له انګریز ښکیلاک نه د افغانستان د خپلواکۍ د اعلان ۹۶ کلیزه په خورا شور ونمانځله.…

افغانستان ولمانځو که خپلواکي؟ د اکمل داوي

20 Aug 2015 خپلواکي مقالې تاند No comments

نور

موږ او خپلواکي/څېړنوال عبدالغفور لېوال

له شاه زمانه تر دې زمانه، موږ نه خپلواک وو او نه بشپړ ښکېل. له شاه زمانه تر دې زمانه، موږ…

موږ او خپلواکي/څېړنوال عبدالغفور لېوال

24 Aug 2016 خپلواکي مقالې تاند No comments

نور

خپلواکي څه ده؟/څېړنوال عبدالغفور لېوال

خپلواکي له کلي مفهومه تر جزیاتو لږ ترلږه دغه څلور معادل مفاهیم په انګریزۍ کې شته : استقلال ، خود ارادیت ،…

خپلواکي څه ده؟/څېړنوال عبدالغفور لېوال

26 Aug 2016 بدلون خپلواکي تاند Comments (2)

نور

شاه غازي امان الله خان او د افغانستان خپلواکي | ګل…

امان الله خان په ۱۸۹۲ م كال د کابل په پغمان كې زېږېدلى، د امیر حبیب الله خان زوی، د امیر…

شاه غازي امان الله خان او د افغانستان خپلواکي | ګل محمد پښتون

18 Aug 2017 خپلواکي مقالې تاند Comments (2)

نور
  • 1
  • 2