Categories

اعلان

Loading…

لېټیم لرونکې بېټرۍ ولې چاودنه کوي؟/ ژباړه: حمیدالله حمیدي

سره له دې چې لېټيم لرونکې بېټرۍ په ټوله کې ډېرې کارېدونکې دي او په ډېری برېښنایي توکو کې ګټه ترې اخیستل کېږي، خو ډېر کم داسې پېښېږي چې اور اخلي او تر دې هم بده هغه دا چې چاودنه کوي. د دې ډول بېټریو د چاودېدو ډېرې پېښې په ګلکسي نوټ ۷ موبایلونه کې وشوې چې په ازمایښتي ډول بازار ته را ووتل او ډېری یې وچاودېدل. دې پېښو هغه وخت د سامسونګ شرکت پر توليداتو د خلکو باور را کم کړ.
دغه راز د (اپ پي) په ازمایښتي لپټاپونو کې هم دغه ډول بېټرۍ وچاودېدې، چې دغه شرکت اړ شو څو خپل پلورلي لپټاپونه بېرته را ټول کړي. لکه څه ډول مو چې مخکې وویل دغه ډول بېټرۍ په ټوله کې ډېرې خوندي او له ښه کیفت څخه برخمنې دي، خو کله چې ځینې داسې پېښې رامنځته شوې، په نړیواله کچه د خبرونو سر ټکي وګرځېدې. اوس غواړو په هغو لاملونو پوه شو چې ولې او څه ډول دا بېټرۍ چاودنه کوي؟
چارج کېدونکو بېټريو چې په لپټاپ، موبایل، ټبلېټ، برقي موټرونو، الوتکو او یا په ټوله کې په ټکنالوژيکي وسایلو کې کارول شوې دي په نړۍ کې د لويو بدلونونو سبب دي. که دغه ډول بېټرۍ نه وای اختراع شوې، موږ اړ وو چې په ټکنالوژيکي وسايلو پسې د برېښنا مزي وګرځوو.
لېټيم لرونکې بېټرۍ څه ډول چاودنه کوي؟
په دې بېټریو کې دوه الکټروډونه شتون لري چې یو یې د کتود او بل یې د انود په نوم یادېږي. کتود مثبت او انود منفي چارج لري. دواړه الکټروډونه د یوې نازکې پردې په وسیله له یو بل څخه بېل شوي چې د ناڅاپي یو ځای کېدو مخه یې نیسي. کله چې لېټيم لرونکې بېټرۍ چارج کوی، لېټیمي ایونونه د یوې ځانګړې انرژۍ په وسیله له کتود څخه حرکت کوي او وروسته د همدې ځانګړې او خوندي پردې په وسیله الکټرونیکي مایع د انود په خوا ورځي. کله چې د بېټرۍ چارج کمېږي دغه مرحله برعکس کېږي. یعني لېټيمي ایونونه له انود څخه د کتود پر طرف ځي. همدا عمل او عکس العمل دی چې ستاسو لپټاپ یا موبایل روښانه ساتي.
په کوچنيو بېټريو کې (موبایل او نورو کې چې کارول کېږي) یوازې یو لېټيمي سلول شتون لري، په داسې حال کې چې د لپټاپ په بېټریو کې له ۶ نیولې تر ۱۲ لېټيمي سلولونه ځای پر ځای شوي دي. همدا راز په موټرو او الوتکو کې په کارېدونکو بېټریو کې په سلګونو لېټيمي سلولونه کارول شوي دي.
د لېټيم لرونکې بېټرۍ یوه ځانګړنه دا ده چې ډېره انرژي ذخیره کوي. په یوه ځای کې د زیاتې انرژۍ ذخیره کېدل خپله چاودنې ته لاره هواروي، البته که په جوړولو کې یې ناغېړي شوې وي. که په بېټرۍ کې لېټيم په کنټرول کېدونکي ډول جریان پیدا کړي، ستاسو الکټرونيکي وسایل به روښانه وي، خو که دغه جریان په بې پامۍ او پر یو ځای ټول حرکت وکړي هغه ده چې چاودنه رامنځته کېږي.
په دغه بهیر کې کوچنۍ دمه د اور او چاودنې لامل کېږي. دغه پېښه هغه وخت رامنځته کېږي چې ساتونکی پوښ د انود او کتود تر منځ د تماس مخه ونه شي نیولی. کله چې انود او کتود له یو بل سره په تماس کې شي، بېټرۍ په شدت سره ګرمېږي.
ډېر داسې لاملونه شته چې کولی شي ساتونکی پوښ خپله دنده سمه تر سره نه کړای شي او د کتود او انود ترمنځ تماس پیدا شي. دغه لاملونه په لاندې ډول دي:
په تولید کې نيمګړتيا
کېدای شي په ټوله کې د بېټرۍ د جوړېدو پرمهال ناغېړي شوې وي. د دې ناغېړۍ ښه بېلګه د سامسونګ ګلکسي نوټ ۷ په بېټریو کې لیدل کېدای شي. ځکه په دې بېټریو کې په هېڅ ډول د کتود او انود تر منځ د بېلېدونکې پردې کیفیت ته پاملرنه نه وه شوې. په ځینو ماډلونو کې د بېټرۍ د چارج پر مهال بېټرۍ پړسېږي، الکټرودونه خمېږي او د کتود او انود تر منځ فاصله له منځه ځي.
بهرني لاملونه
لوړ حرارت د دې لامل کېږي چې ستاسو بېټرۍ ستونزه پیدا کړي. که مو موبایل او یا هم بله الکټرونیکي وسیله ګرمو شیانو ته نږدې وي، ډېر امکان شته چې اور واخلي او یا هم چاودنه وکړي. ډېر نور عوامل هم شته چې د بېټرۍ د ګرمېدو، اور اخیستو او چاودېدو لامل کېدای شي. د بېلګې په توګه ضربه او څو ځله له لاسه د موبایل لوېدل. ځکه دغه چاره د دې لامل کېږي چې د کتود او انود بېلوونکې پرده له منځه ولاړه شي، دواړه سره وصل شي، ګرم شي، اور واخلي او چاودنه وکړي. دغه راز د بېټرۍ سوري کېدل هم دې پېښې ته لاره هوارولی شي.
د بې کیفیته چارجر کارول
بې کیفته چارجر هم د دې لامل کېږي چې ستاسو د موبایل بېټرۍ ستونزه پیدا کړي. له همدې کبله سپارښتنه کېږي چې د خپلو الکټرونیکي چارچېدونکو وسایلو لپاره د شرکت له اصلي چارجرو ګټه واخیستل شي. که ډېرو شرکتونو د چارجرو جوړولو کارو بار پیل کړی وي، ښه ده چې د یوه نامي شرکت له محصولاتو استفاده وکړی.
لېټيم لرونکې بېټرۍ خپله د چارج اخیستو داسې یو سېسټم لري چې کله یې چارج پوره شي په اتومات ډول پرې برېښنا پرې کېږي، خو کله کله دغه سېسټم له ستونزې سره مخ کېږي او خپله دنده سمه پر مخ نه شي بېولی. بېټرۍ له کچې زیات چارج اخلي، ګرمېږي چې په پایله کې د بېټرۍ د اور اخیستو او چاودنې لامل کېږي.
لکه څه ډول مو چې مخکې وویل، د موبایلونو او نورو کوچنیو برېښنایي توکو بېټرۍ د یوه سلول درلودونکې دي، خو ایفون لس بیا په دې منځ کې استثنا دی، ځکه د ایفون لس په بېټرۍ کې له دوو سلولونو څخه ګټه اخیستل شوې ده. په لویو برېښنایي چارجېدونکو وسایلو کې بیا له څو سلولونو څخه ګټه اخیستل شوې ده. که بسته بندي په سمه توګه نه وي شوې د یوه سلول ګرمېدل هم د بېټرۍ د اور اخیستو او چاودېدو لامل کېدای شي. څومره چې په یوه بېټرۍ کې زیات لېټيمي سلولونه کارول شوي وي او ستونزه پکې پیدا شي په هماغه کچه یې خطر هم زیات وي.
که څه هم چې دا ډول پېښې ډېرې کمې رامنځته کېږي، خو کومې چې رامنځته شوې هم دي په ډېره لوړه کچه یې خبري پوښښ پیدا کړی دی. دې چارې د بېټریو جوړولو شرکتونه نور هم خپل درانه مسوولیت ته متوجه کړي، څو تر وسې وسې پورې له دې ډول ناوړه پېښو مخنیوی شوی وي او خپل اعتبار یې ساتلی وي.

291 total views, 1 views today

Leave a Reply

Your email address will not be published. Required fields are marked *

۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور

فرخنده باد صدمین سالگرد استرداد استقلال افغانستان

استاد عارف نظر صدسال پیش از امروز مردم آزاده افغانستان، ثمره جانبازی ها، قهرمانی ها و مبارزات استقلال طلبانه فرزندان خویش…

فرخنده باد صدمین سالگرد استرداد استقلال افغانستان

20 Aug 2019 خپلواکي مقالات دری تاند No comments

نور

د غازي امان الله خان سل ارمانونه

1.        افغانستان منظم مالیاتي سیستم ولري 2.      افغانستان قوی مالي نطام ولري 3.      افغانستان خپلې پیسې ولري 4.      افغانستان خپل تولیدات ولري 5.      افغانستان خپله بريښنا ولري 6.      افغانستان توکي ټولې…

د غازي امان الله خان سل ارمانونه

19 Aug 2019 خپلواکي مقالې تاند No comments

نور

 بیست و هشت اسد؛ روز استقلال کشور! | توفیق عظیمی

بیست و هشتم اسد، حماسه یک روز، افتخار جاویدان، روز استرداد استقلال کشور است، که از آن ۱۰۰ سال میگذرد. در بیست و…

 بیست و هشت اسد؛ روز استقلال کشور! | توفیق عظیمی

19 Aug 2019 خپلواکي مقالات دری مقالې تاند No comments

نور

د خپلواکۍ فکر | معروف افغان

ازادي او خپلواکي، دوه جلا مفاهیم افاده کوي او لازمه ده چې جلا جلا چلندونه ورسره وشي. د ازادۍ په…

د خپلواکۍ فکر | معروف افغان

18 Aug 2019 خپلواکي مقالې تاند No comments

نور

بلخي نجلۍ او ځوان د خپلواکۍ په ورځ په اماني…

تاند، دوشنبه د اسد ۲۸مه: په بلخ کې یوې ناوې او زوم د خپلواکۍ د سلمې کلیزې له ورځې سره…

بلخي نجلۍ او ځوان د خپلواکۍ په ورځ په اماني کالیو کې واده وکړ

19 Aug 2019 خبرونه خپلواکي م. عاصم خوږیاڼی Comments (1)

نور

طالبانو بغلان کې د خپلواکۍ سلمه کلیزه نمانځلې ده

تاند، دوشنبه، د اسد ۲۸مه: طالب ویاند ذبیح الله مجاهد وایي، جنګیالیو یې نن تر خپلې ولکې لاندې ځینو سیمو…

طالبانو بغلان کې د خپلواکۍ سلمه کلیزه نمانځلې ده

19 Aug 2019 خبرونه خپلواکي م. عاصم خوږیاڼی Comments (1)

نور
  • 1
  • 2