Categories

اعلان

Loading…

د سعودي د مذهبي پولیسو مشر د ټویټر مخالفت وکړ

تاند- د سعودي عربستان د مذهبي پولیسو مشر په خلکو غږ وکړ چې د ټویټر له کارولو دې لاس واخلي.

د ټویټر اجتماعي شبکه چې استفاده کوونکي ورنه معمولا د وړو پیغامونو د استولو لپاره کار اخلي، په سعودي کې خورا زیات لېوال لري . د سعودي د مذهبي پولیسو مشر شیخ عبدالطیف عبدالعزیز ویلي دي چې که هر څوک د انټرنیټ اجتماعي شبکې په تېره بیا ټویټر استعمالوي، دنیا او اخرت دواړه به یې خراب وي. د شېخ په قول، ټویټر د هغو کسانو ځای دی چې په ټولنه کې یې ځای نشته.

د سعودي عربستان د حالاتو د څارونکو په نظر د سعودي د مذهبی پولیسو د مشر په خبرو کې د دغه هېواد د حکومت اندېښنې رامعلومېږي. د سعودي له حکومت سره تشویش دی چې خلک به د ټویټر له لارې له یو بل سره داسې سیاسي نظریات شریک کړي چې د حکومت په خلاف به وي.

د ټویټر له لارې معمولا لنډ پیغامونه سره شریکېږي. د ټویټر ټولنیزه شبکه چې په دوه زره شپږم میلادي کال کې فعاله شوه، دومره ژر محبوبه شوه چې تر دوه زره دولسم میلادي کاله پورې یې د فعالو استفاده کوونکو شمېر تر پنځه سوه ملیونه کسانو واوښت. سعودي عربستان یو هغه هېواد دی چې د ټویټرپلویان پکې په ډېر سرعت سره زیاتېږي.

تېره میاشت د کعبې شریفې امام هم د شیخ عبدالطیف عبدالعزیز غوندې د جمعې د لمانځه په خطبو کې د ټویټر له لاسه شکایت وکړ او دغه انټرنیټي شبکه یې په سعودي عربستان کې ملي وحدت ته خطرناکه وبلله.

د کعبې شریفې تر امام دمخه د سعودي عربستان لوی مفتي هغه کسان احمقان بللي وو چې له ټویټر څخه استفاده کوي

59 total views, 2 views today

Leave a Reply

Your email address will not be published. Required fields are marked *