Categories

اعلان

Loading…

ټرمپ: موږ له طالبانو سره خبرې نه کوو

تاند- د امریکا ولسمشر ډانلډ ټرمپ وايي، د امریکا حکومت نه غواړي چې له طالبانو سره خبرې وکړي.

ټرمپ دا خبره وروسته له دې وکړه چې طالبانو په کابل او کندهار کې درې تروریستي حملې وکړې.

د امریکا ولسمشر د دوشنبې په ورځ /جنوري ۲۹/ د ملګروملتو د امنیت شورا له غړیو سره په غرمنۍ مېلمستیا کې وویل«موږ له طالبانو سره نه ږغېږو. کېدای شي د یوې مودې لپاره، ممکن د ډېرې مودې لپاره.»

د کابل له وروستیو خونړیو حملو وروسته ټرمپ په ټویټر کې ولیکل چې له ټولو هیوادونو غواړي چې د طالبانو پر ضد پرېکنده اقدام وکړي.

ده دغه راز ویلي«د قاتلانو حملې زموږ او زموږ د افغان متحدانو اراده تازه کوي.»

ټرمپ نن په سپینه ماڼۍ د امنیت شورا له غړیو سره په کتنه کې وویل«موږ څه چې باید په افغانستان کې پای ته ورسوو، د ختمولو په حال کې یوو.»

ده همداراز وویل چې «طالبان د ښځو او ماشومانو په شمول له یو مخې بېګناه انسانان وژني، له دوی سره خبرې نه شي کېدای.»

تېره اوونۍ د کابل د انترکانتینینټل هوټل په حمله کې ۴ امریکایان هم ووژل شول.

خو په وروستیو کې د طالبانو تر ټولو په خونړۍ تروریستي حمله کې، چې د شنبې په ورځ یې د کابل په صدارت څلورلارې کې وکړه، تر ۱۰۰ زیات افغانان شهیدان او نژدې ۲۰۰ نور ژوبل شول.

10 total views, 1 views today

1 comment

  1. اسد الله هوډمن Reply

    هو که ته ونه وايي هم مونږ پوهیږئ چې تاسو دلته د سولې لپاره نه يې راغلي،
    تاسو راغلي د دې لپاره یاست چې افغانانو څخه ډاډمن ژوند، سوله، سوکالي یوسئ او د جنګ جګړو غمونو او دردونو ټغر په افغانستان کې خور کړئ

Leave a Reply

Your email address will not be published. Required fields are marked *