Categories

اعلان

Loading…

د ملي اردو پر کنډک په برید کې د اردو ۱۱ سرتېري شهیدان شوي

تاند- د وروستیو راپورونو له مخې، د کابل ښار په شمال لوېدیځ کې د ملي اردو پر یوه کنډک د نن ورځې په وسله واله حمله کې د ملي اردو ۱۱ سرتېري شهیدان او ۱۶ نور ژوبل شوي دي.

دا برید، چې پوځي اکاډیمۍ ته نژدې په قرغه کې د ملي اردو پر کنډک د سهار په ۵ بجې پیل شو، لږترلږه ۲ ساعته یې دوام وکړ.

د دفاع وزارت وايي چې دوو انتحاریانو ځانونه الوزولي، دوه د ملي اردو د ځواکونو له لوري وژل شوي او یو ژوندی نیول شوی دی.

داعش ادعا کړې چې دا برید دوی کړی دی.

د دفاع وزارت ویندوی جنرال وزیري تایید کړه چې د ملي اردو ۱۱ سرتېري شهیدان شوي او ۱۶ نور ژوبل دي.

په ټپیانو کې ۶ تنه له ابتدايي درملنې وروسته له روغتون څخه رخصت کړل شوي ځکه چې ټپونه یې برسېرن وو.

امنیتي ځواکونو ته د ترهګرو ۴ کلاشینکوفونه او یو انتحاري واسکټ روغ په لاس ورغلي دي.

14 total views, 1 views today

1 comment

  1. ببرک Reply

    څه به حال وی ای شهیده ستا په مور
    ستا په پلار اوستا په ورور او ستا په خور
    له زړګوټو به یې یو الله خبر وي
    څه به تور وي په ماتم کې لکه سکور
    خدای دې صبر په نصیب الله یې مل شه
    ستا شهید ته دی جنت کاندې سمسور
    هر افغان دی په درد ژاړي که افغان وي
    نه افغان لمن کی بروت د جټ په کور
    د یهود ،هندو له سره صدقه شه
    فتوا ګر کافر دې وسوڅه په اور

Leave a Reply

Your email address will not be published. Required fields are marked *