Categories

اعلان

Loading…

حکومت د وروستیو حملو له قربانیانو سره د خواخوږۍ څرګندولو لپاره ملي ماتم اعلان کړ

تاند- د عامې روغتیا وزارت نن /یکشنبه/ اعلان وکړ چې د کابل د پرونۍ حملې د ټپیانو شمېر ۱۹۱ تنو ته زیات شوی دی.

دا وزارت لا هم د وژل شویو کسانو شمېر ۹۵ تنه ښيي، خو دا په داسې حال کې ده چې د دوو تنو مړي موندل شوي نه دي.

له بلې خوا د افغانستان حکومت له پرونۍ حملې راوروسته نن په هیواد کې د وروستیو تروریستي حملو له قربانیانو سره د خواخوږۍ د څرګندولو لپاره ملي ماتم اعلان کړ.

«د افغانستان اسلامي جمهوري دولت زموږ غمجنو او ویرجنو کورنیو سره د غمشریکۍ او هغوی ته د درناوي په خاطر په ټول هېواد کې ملي ماتم اعلانوي چې له همدې امله به نن (د یوې ورځې لپاره)په هېواد کې او له هېواده بهر په سیاسي نمایندګیو کې د افغانستان بیرغ نیمه ځوړند وي.»

د ارګ په خبرپاڼه کې ویل شوي چې د کابل، د کانتینینټل، په ننګرهار کې د سیف دي چلدرن، د کندهار د عینو مېنې او د کابل د صدارت څلورلارې د پرونۍ حملو په خاطر نن ملي ماتم اعلانوي او سبا به یوازې په پلازمېنه کابل کې عمومي رخصتي وي.

70 total views, 1 views today

Leave a Reply

Your email address will not be published. Required fields are marked *