Categories

اعلان

Loading…

په کورمه ایجنسۍ کې د حقاني شبکې د قوماندان پر کور د بې پېلوټه الوتکو برید

تاند- د امریکا بې پېلوټه الوتکو نن /چهارشنبه/ سهار په کورمه ایجنسۍ کې د حقاني شبکې د یوه قوماندان پر کور برید وکړ چې په نتیجه کې یې لږترلږه دوه تنه وژل شوي دي.

د حقاني شبکه په ۲۰۱۴ م کال مخکې تر دې چې د پاکستان پوځ په شمالي وزیرستان کې عملیات پیل کړي، کورمې ایجنسۍ ته انتقال کړای شوه.

د پاکستان دولتي سرچینې وايي چې دا برید د کورمې ایجنسۍ پر سپین ټن نومې سیمه وشو او دوه تنه پکې ووژل شول.

راپورنه وايي چې په وژل شویو کې د حقاني شبکې یو قوماندان شامل دی.

شاهدان وايي چې بې پېلوټه الوتکه، وروسته له دې چې دوه توغندي یې وویشتل، ۱۵ دقیقې د قوماندان پر کور ولاړه وه.

وروسته له دې چې امریکا پاکستان ته نژدې ۲ ملیارد ډالره پوځي مرسته وځنډوله، پاکستان اعلان وکړ چې نور به اجازه ورنه کړي چې د امریکا بې پېلوټه الوتکې د پاکستان په قلمرو کې عملیات وکړي.

دا په روان میلادي کال کې، چې نن یې ۲۴ مه ده، د امریکا د بې پېلوټه الوتکو دوهمه حمله ده چې پر کورمه ایجنسۍ یې کوي.

8 total views, 1 views today

Leave a Reply

Your email address will not be published. Required fields are marked *