Categories

اعلان

Loading…

سپینه ماڼۍ وايي، پاکستان باید سمدستي طالب مشران ونیسي یا یې وباسي

تاند- د کابل پر انترکانتینینټل هوټل له تروریستي حملې وروسته د امریکا متحدو ایالتونو له پاکستانه وغوښتل چې د طالبانو مشران سمدستي ونیسي او یا یې له خپلې خاورې وباسي.

د کابل د انترکانتینینټل هوټل په حمله کې، چې د امنیتي ادارو په وینا د پاکستان مېشتې حقاني شبکې له لوري وشوه، تر ۳۰ زیات ملکي افغانان او بهرنیان وژل شوي دي.

د سپینې ماڼۍ ویندویې سارا ساندریس پرون /دوشنبه/ خبریالانو ته وویل«موږ پر پاکستان ږغ کوو چې د طالبانو مشران فوراً ونیسي او یا یې له خپلې خاورې وباسي.»

امریکا او افغانستان باور لري چې د طالبانو او حقاني شبکې مشران او د هغوی د مشرتابه شورا په پاکستان کې اوسي.

مېرمن ساندریس همداراز وویل«پاکستان باید طالبان پرېنږدي چې د دغه هیواد له خاورې څخه په استفادې حملې وکړي.»

د پاکستان د بهرنیو چارو وزارت ویندوی محمد فیصل پرون /دوشنبه/ وویل چې دوی د کابل د انترکانتینینټل هوټل په حمله کې د پاکستان لاس لرل په کلکه ردوي.

ده د دې پېښې په اړه د باوري تحقیقاتو غوښتنه وکړه.

له بلې خوا له پکتیکا څخه ورکړای شوي راپورونه وايي چې د کابل د انترکانتینینټل هوټل له حملو څو ساعته وروسته د امریکا جنګي الوتکو په پکتیکا کې د طالبانو پر مرکزونو سخته بمباري وکړه چې په لړ کې یې په لسګونو طالبان وژل شوي دي.

طالبانو په دې اړه تر دې دمه څه نه دي ویلي.

388 total views, 1 views today

1 comment

  1. سلیم Reply

    وییلي نه دي چې که پاکستان دا کار ونه کړي امریکا به څه وکړي؟ وخت یې هم نه دی ټاکلی.ریښتیا پخوا پوهیدئ خو اعتراف مونه کاوه، اوس چې اعتراف هم کوئ او پاکستان هم اعتراف کوي، نو ولې لکه په افغانستان مو چې برید وکړ، لکه اسامه او ملامنصور مو چې په ذره بین کې پیدا کړل، اوس هم هماغسې حمله نه کوئ؟ که د پاکستان د حاکمیت خبره ده، افغانستان هم یو هیواد وه چې تاسو پری یرغل وکړ. ښکاري چې داهم هسې تمثیلي پارچه ده او د انګریزبابا له مشورې پرته پاکستان ضد هیڅ هم نه کوئ

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2