Categories

اعلان

Loading…

د بلخ د نوي والي ویاند وايي، حکومت د عطا محمد نور په لېرې کولو کې جدي دی

تاند- د بلخ د نوي والي ویندوی فیروز ایثار وايي، اسلامي جمعیت ګوند هڅه کوي چې پخوانی والي عطا محمد نور راضي کړي.

ایثار وايي، هم ولسمشر او هم اجرايي رييس کلکه اراده کړې چې باید په مزارشریف ښار کې د نوي والي انجنیر محمد داوود د معرفۍ مراسم جوړ شي.

ده وویل، په هغو خبرو کې چې داوود د جمعیت ګوند له مشرانو سره کړي، دا موضوع مطرح شوه چې د جمعیت ګوند مشران د ارګ له پرېکړې سره موافق دي او د جمعیت ګوند مشر صلاح الدین رباني هڅه کوي چې عطا محمد نور راضي کړي چې عطا محمد نور د بلخ والي نه دی.

ایثار وویل چې انجنیر داوود د خپل پلار د مړینې په مراسمو کې د ګډون لپاره په مزارشریف کې دی او تر هر وخته چې د ده زړه وغواړي هلته به وي.

ده د نور پر سلوک انتقاد وکړ، ویې ویل انجنیر داوود په بلخ کې له ډېرو خلکو سره کتلي او ډېرو ورته د پلار د مړینې په خاطر تسلیت ویلی دی، خو عطا نور هڅه وکړه چې ډېر خلک د انجنیر داوود د پلار د جنازې او فاتحې په مراسمو کې ګډون ونه کړي.

د بلخ د نوي والي ویاند هیله څرګنده کړه چې عطا نور به له مرکزي حکومت سره لانجه په سوله ییز ډول حل کړي.

ده ټینګار وکړ چې نور د عبدالله او اشرف غني د ګډې فیصلې پر اساس لېري شوی او حکومت د خپلې دې پرېکړې د عملي کېدو کلکه هوډ لري.

په همدې حال کې د جمعیت ګوند ځینې غړي وايي چې له ارګ سره په خبرو کې یې پرمختګ کړی دی.

د دغه ګوند د مشرتابه شورا یوه غړي کمال الدین حامد رسنیو ته ویلي چې له ارګ سره پر اساسي شرطونو موافقې ته رسېدلي دي.

ده وویل، د انتخاباتو په کمیسیون کې اصلاحات، د انتخاباتو په قانون کې تعدیل، د جهادي مشرانو د شورا جوړول، د اساسي قانون د لویې جرګې دایرول، په ټاکل شوي وخت د ولسي جرګې او ولسوالي شوراګانو انتخابات او په کابل کې پر اعتراض کوونکو د حملې په اړه څېړنې هغه موارد دي چې پرې موافقه شوې ده.

له دې سره په یو وخت عطا محمد نور نن بیا خپلو پلویانو ته په وینا کې بر حکومت او لوېدیځو هیوادونو انتقادونه وکړل، ویې ویل، د افغانستان لوېدیځ متحدان د ولسواکۍ د ټینګولو ادعا کوي خو ایا بېوزلي، اداري فساد او د خلکو وژنې دیموکراسي ده؟

598 total views, no views today

1 comment

  1. حسن Reply

    که رښتیا هم خلیفه عطا مامد نور د افغانستان پر لوېدیزو متحدانو باندې د دموکراسي او ولسواکۍ په باب انتقاد کړي وي ، نو پدې پوه شئ چې د ده د ژوند وروستۍ شېبې را نژدې شوي دی او خپله سیاسي بقا ورته ختمه ښکاري. نا امېدي هم لویه بلا ده .

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

استقلال | استاد عبدالله ويديال

دا لیکنه مې د هېواد د استقلال د (۱۰۰) مې کلیزې، یوې نمانځغونډې ته د وینا یوه برخه وه. د…

استقلال | استاد عبدالله ويديال

20 Oct 2019 خپلواکي مقالې تاند No comments

نور

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور
  • 1
  • 2