Categories

اعلان

Loading…

پاکستان: امریکا دې په افغانستان کې د اسلام اباد ملاحظې درک کړي

تاند- پاکستان د امریکا له متحدو ایالتونو وغوښتل چې د افغانستان په اړه خپله نوې پالیسي بدله کړي او په افغانستان کې د پاکستان نظرونه په پام کې ونیسي.

د پاکستان د بهرنیو چارو وزارت نن /دوشنبه/ وویل، امریکا باید د افغانستان په اړه د پاکستان غوښتنې درک کړي.

د پاکستاني رسنیو د راپور له مخې، دې وزارت ویلي چې پاکستان د امریکا د مرستې د دوام په لټه کې نه دی خو له واشنګټن څخه تمه لري چې د اسلام اباد په اړه خپله پالیسي بدله کړي چې پاکستان له افغانستان سره خپلې ستونزې حل کړای شي.

د پاکستان د بهرنیو چارو وزارت همداراز ویلي، امریکا باید له تروریزم سره په مبارزه کې د پاکستان د هلوځلو قدر وکړي او افغانستان ته د افغان کډوالو په بېرته ستنېدو کې مرسته وکړي.

امریکا له ۱۶ کلونو وروسته بالاخره اعلان وکړ چې پاکستان ۳۳ ملیارد ډالره ورڅخه مرسته ترلاسه کړې خو له دې سره سره یې په خپله خاوره کې طالبان او نور سختدریځي ساتلي دي.

د پاکستان د باندنیو چارو وزارت امریکا ته په خطاب کې ویلي چې په خپله نوې پالیسي کې باید په افغانستان کې د پاکستان ملاحظې په پام کې ونیسي.

دې وزارت نه دي ویلي چې پاکستان په افغانستان کې څه ملاحظې او غوښتنې لري خو پخوا پاکستان افغانستان ته د ستراتیژیک عمق په سترګه کتل او د دې ترڅنګ یې په افغانستان کې د اسلام اباد د یوه ګوډاګي رژیم د واک ته رسولو هڅه کړې ده.

ډېر پاکستاني سیاستوال هم وايي چې پاکستان له افغانستان سره داسې چلند کوي لکه چې د دغه هیواد پنځمه صوبه وي.

76 total views, 1 views today

1 comment

  1. داکترمحمدعالم خان احمدزی داسلامی بانکداری او اسلامی سرمایه مارکیت بنست ایښودونکی Reply

    متاسفانه زمونژه افغانانو بی عقلو سیاسی مشرانو او بی اتفاقی په وجه پاکستان افغانستان دی یوو غلام هیواد په سترګه ګوی او افغانستان کمزوری نقطو په نظر کی نیولوسره غواړی چی افغانستان دایم دی دوی ته احتیاج وی.
    د حامدکرزی او اشرف غنی کمزورحکومتونوهم و نه کولای شو چی نړیوالی ټولنی له حضور څخه د افغانستان په ګټه پوره فایده پورته کړی.
    په هیواد کی د زورواکانو او بد معاش صفته جهادی قومندانانو او قوی تعصب و کرکی هیواد بیا له ناورین سره مخامخ کړی دی.
    ښه لاره به دا وی چی افغانان نور د پشتون،تاجک ،ازبک ، هزاره فکر پریژدی او یواڅی د افغانستان فکر ونیسی که چیری افغانستان وی نو مونژه ټول به وو او که افغانستان نه وی نو مونژه به هم نه یو

Leave a Reply

Your email address will not be published. Required fields are marked *