Categories

اعلان

Loading…

په کراچۍ کې د مدرسې قاري پر یوه طالب د جنسي تېري په تور ونیول شو

تاند- د پاکستان د کراچۍ ښار پولیسو د ګلستان جوهر د سیمې یو قاري پر یوه کم عمره طالب د جنسي تېري په تور ونیوه.

پولیس وايي، پر یوه ۱۴ کلن طالب تېره شپه په مدرسه کې جنسي تېری شوی دی.

د بي بي سي اردو د راپور له مخې، پولیسو تېري کوونکی قاري نن /دوشنبه/ ونیوه.

د ګلستان جوهر د سیمې پولیس وايي چې ۱۴ کلن طالب، چې جنسي تېری پرې شوی، خپل پلار ته شکایت کړی و چې قاري محمد سلیم ورسره جنسي زیاتی کړی دی.

قاري وروسته له دې ونیول شو چې د هلک پلار د دارالعلوم مدرسې د قاري خلاف عرض وکړ.

پولیس وايي چې د هلک له طبي معاینې څرګنده شوه چې جنسي تېری پرې شوی دی.

له دې جلا د سند ایالت په کوټري ښار کې هم پر یوه ماشوم جنسي تېری شوی دی.

تر دې وړاندې د پنجاب په قصور ښار کې د یوې ۷ کلنې نجلۍ  مړی په داسې حال کې پر ډېران وموندل شو چې لومړی پرې جنسي تېری شوی و.

د دې ماشومې قنل او جنسي تېري په قصور کې د خلکو غوسه وپاروله او په مجموع کې یې په پاکستان کې د دا ډول ګڼو قضیو په وړاندې د اقداماتو او تدابیرو په اړه بحثونه وپارول.

171 total views, 2 views today

2 comments

  1. Attal Reply

    ای افغانانو پام کوی داسی بی شرم کس ته خپل اولادونه وانه ستوی

  2. lawang Reply

    محروم او د جنسی حوس خامار قاری/ملا داسې غلامان خداکه په جنت کې په برخه شي…نوش نوش

Leave a Reply

Your email address will not be published. Required fields are marked *