Categories

ولسمشر غني د ګوزن ناروغۍ پر ضد د لا زیاتو اقداماتو امر وکړ

تاند- د افغانستان ولسمشر د ماشومانو د ګوزڼ یا پولیو د محوه کېدو لپاره اقدامات کافي ونه بلل، ویې ویل چې دا ناروغي باید یومخ له منځه یووړل شي.

ولسمشر غني دا خبره نن (پنجشنبه) ن سهار د ارګ په توحید مرکز کې د کندهار، هلمند، ننګرهار، کونړ، پکتیکا او فراه ولایتونو له والیانو او د عامې روغتیا او حج او اوقاف له ريیسانو سره په ویدیو کنفرانس کې وکړه.

د ارګ له خبرپاڼې سره سم، ولسمشر محمد اشرف غني د دې خبرې د کولو تر څنګ چې ګوزڼ خطرناکه ناروغي ده او اوس هم په هېواد کې د ماشومانو ژوند ګواښي، وویل، که څه هم د ماشومانو د ګوزڼ د ختمېدو په برخه کې پرمختګ شوی خو کافي نه دی.

ښاغلي غني د محلي ادارو مسوولینو ته لارښونه وکړه چې راستنېدونکي ماشومان واکسین کړي. همداراز یې د کندهار ښاروال او ټولو مسوولینو ته لارښوونه وکړه، چې د خرقې شریفې د امام، د جوماتونو د امامانو او د ټولو عمومي مرکزونو د مسوولینو په همکاری دې د ګوزڼ واکسین د تطبیق په برخه کې هڅې وکړي.

ده د بېلګې په توګه د کندهار د لویې ویالې او د ننګرهار ځینې ولسوالۍ یادې کړې چې لا هم د ماشومانو د ګوزڼ د ناروغۍ پېښې پکې له منځه نه دي تللي.

د پولیو د ملي کمپاین د معلوماتو له مخې، په افغانستان کې سږ کال د ماشومانو د ګوزڼ ۱۲ پېښې تایید شوي چې ۵ یې په کندهار، ۳ په ننګرهار، ۲ په هلمند، یوه په زابل او یوه په کندوز کې لیدل شوې ده.

د پولیو ملي پروګرام هیله لري چې دا ناروغي به په راتلونکو ۳ کلونو کې یومخ محوه شي.

محمد اشرف غني  د ګوزڼ له منځه وړلو  لپاره د ملي کمپاین پراړتیا ټینګار وکړ وې ویل، د پوهنې او کلیو پراختیا وزارتونه په دې برخه کې همکاري کولی شي او د عامې روغتیا او مخابراتو او معلوماتي ټکنالوژۍ وزارتونو په همکاری دې لنډې ویډیوګانې جوړې  او د ګوزڼ له منځه وړلو پروګرام دې په ملي کمپاین بدل شي.

Leave a Reply

Your email address will not be published. Required fields are marked *

google.com [1], pub-1528507673086054, DIRECT, f08c47fec0942fa0
cavixo.com [2],1366,DIRECT
google.com [1], pub-7980196294731979, DIRECT, f08c47fec0942fa0
smartadserver.com [3],1343,RESELLER
smartadserver.com [3],2875,RESELLER
indexexchange.com [4],179394,RESELLER
contextweb.com [5],560288,RESELLER,89ff185a4c4e857c
pubmatic.com [6],156439,RESELLER
pubmatic.com [6],154037,RESELLER
rubiconproject.com [7],16114,RESELLER,0bfd66d529a55807
openx.com [8],537149888,RESELLER,6a698e2ec38604c6
sovrn.com [9], 257611,RESELLER, fafdf38b16bf6b2b
appnexus.com [10],3703,RESELLER,f5ab79cb980f11d1
ibillboard.com [11], 29038, DIRECT
indexexchange.com [4], 180179, RESELLER, 50b1c356f2c5c8fc
stroeer.com [12], 14214 ,DIRECT
indexexchange.com [4], 183592, RESELLER, 50b1c356f2c5c8fc
Appnexus.com, 1371, RESELLER, f5ab79cb980f11d1
contextweb.com [5], 558750, DIRECT, 89ff185a4c4e857c