Categories

اعلان

Loading…

د اسلامي حزب ۸۱ بندیان نن خوشي کېږي

تاند- ټاکل شوې ده چې د اسلامي حزب ۸۱ بندیان نن /پنجشنبه/ په یو لړ مراسمو کې له پلچرخي محبس څخه خوشي شي.

دا بندیان د اسلامي حزب او دولت ترمنځ د سولې د موافقې پر اساس خوشي کېږي.

د حکمتیار په مشرۍ د اسلامي حزب او حکومت ترمنځ د سولې په موافقه کې دا شرط ټاکل شوی چې له جګړې څخه د لاس اخیستلو او سولې په بدل کې به د اسلامي حزب ټول بندیان خوشي کېږي.

ټاکل شوې وه چې د اسلامي حزب ۹۰ بندیان خوشي شي خو څرګنده نه ده چې ۹ تنه نور ولې نن د خوشي کېدونکو بندیانو په ډله کې شامل نه دي.

د افغانستان د حکومت او اسلامي جزب ترمنځ د سولې د موافقې له مخې حکومت موافقه کړې وه چې د حزب ټول بندیان به خوشي کوي مګر هغوی چې افراد پرې دعوه لري.

اسلامي حزب دوه اوونۍ وړاندې په پلچرخي محبس کې پر خپلو ۴۰۰ بندیانو ژمني کالي ووېشل.

37 total views, 2 views today

Leave a Reply

Your email address will not be published. Required fields are marked *