Categories

اعلان

Loading…

د امریکا دفاع وزیر: د پاکستان له ځوابي اقدامه اندېښنه نه لرم

تاند- د امریکا دفاع وزیر جیمز متیس وايي، له دې درکه هیڅ اندېښنه نه لري چې پاکستان به د امریکا له لوري له دغه هیواد سره د دوه ملیارد ډالره مرستې د ځنډولو په وړاندې غچ اخیستونکی اقدام وکړي.

امریکا د تېرې اوونۍ په پای کې پاکستان ته ۲ ملیارد ډالره پوځي مرسته په دې خاطر وځنډوله چې پاکستان په خپله خاوره کې د طالبانو او حقاني شبکې د پناهځایونو له منځه وړلو ته اړباسي.

ځینو پاکستاني چارواکو پټکې کړي چې د امریکا له لوري د مرستو بندېدا به امریکا ته ګرانه تمامه شي.

ځینې نورو ویلي چې پاکستان به د امریکا پر ځای چین ته نور هم نژدې شي. همداراز ویل کېږي چې پاکستان به په افغانستان کې د امریکايي پوځیانو پرمخ اکمالاتي لاره بنده کړي.

پاکستان پخوا هم د خپلو سرحدي ځواکونو پر پوستو د امریکايي الوتکو د بمبارۍ په عکس العمل کې د څو میاشتو په مخه د ناټو اکمالاتي لار بنده کړې وه.

خو متیس په واشنګټن کې خبریالانو ته وايي«زه په دې برخه کې هیڅ اندېښنه نه لرم.»

د چارو کتونکي وايي، پاکستان د امریکا مرستو ته زیاته اړتیا لري او هغه څه چې امریکا یې ورکولی شي، چین او نور هیوادونه یې نه شي ورکولی.

7 total views, 2 views today

Leave a Reply

Your email address will not be published. Required fields are marked *