Categories

اعلان

Loading…

د پاکستان پوځ: د اسلام اباد او واشنګټن ترمنځ سوتفاهم د افغانستان پر امنیت منفي اغېز لري

تاند- د پاکستان د پوځ مطبوعاتي رييس جنرال اصف غفور د چهارشنبې په ورځ /جنوري ۳/ وویل، امریکا باید دا درک کړي چې د پاکستان او متحدو ایالتونو ترمنځ سوتفاهم د سیمې په ځانګړي ډول د افغانستان پر امنیتي وضعیت منفي اغېز کولی شي.

د پاکستان د پوځ ویندوی او مطبوعاتي رييس جنرال غفور له جیو نیوز تلویزیون سره په مرکه کې همداراز وویل، پاکستان به پر خپل پرستیژ (حثیت) او تمامیت معامله ونه کړي.

ده په عین حال کې په دې تاکید وکړ چې پاکستان او امریکا متحدان دي.

غفور دا څرګندونې وروسته له دې وکړې چې د سپینې ماڼۍ ویاندې سارا ساندیرس وویل، امریکا به پر پاکستان فشار ډېر کړي او د دغه هیواد خلاف به په راتلونکو ۲۲ تر ۲۸ ساعتونو پورې اقدامات اعلان کړي.

راپورونه وايي چې امریکا پاکستان ته د ۲۰۱۷ د دسمبر تر پایه وخت ورکړی و چې د طالبانو پناهځایونه ختم کړي خو د دې نېټې له پای ته رسېدو وروسته د جنورۍ په لومړۍ نېټه ولسمشر ټرمپ په زغرده وویل چې امریکا پاکستان ته ۳۳ ملیارد ډالره ورکړي خو پاکستان یې په بدل کې دروغ ویلي او تروریستانو ته یې پناه ورکړې ده.

د ولسمشر ټرمپ د توندو څرګندونو په وړاندې د پاکستان ځواب ډېر نرم و.

خو په ملګروملتو کې د امریکا د دایمي استازې نیکي هیلي د توندو خبرو په اړه د پاکستان د پوځ ویندوی د یوې پوښتنې په ځواب کې وویل چې نیکي هیلي هندي الاصله ده.

ده همداراز وویل، امریکا باید هغه عناصر وپېژني چې د امریکا او پاکستان ترمنځ همکاري زیانمنوي.

جنرال غفور دا هم وویل، د سیمې لپاره د امریکا پالیسي دا ده چې هند په امنیتي مسلو کې مخکښ رول ولري.

د پاکستان د پوځ ویندوی په غیر مستقیم ډول د افغانستان او سیمې په ناامنۍ کې خپل رول تایید کړ، ویې ویل «امریکا باید دا درک کړي چې زموږ او هند په اړیکو کې ستونزه شته، موږ په خپل منځ کې ناحل شوې مسلې لرو. تر څو دا مسلې حل شوې نه وي، ناممکنه ده چې په دې سیمه کې سوله ټینګه شي.»

جنرال غفور ادعا وکړه چې هند په افغانستان کې د سولې د ټینګښت په تړاو خورا منفي رول لوبولی دی.

ده همداراز وویل چې هند د افغانستان له خاورې څخه د پاکستان خلاف کار اخیستی او په دې هیواد کې یې د تروریزم ملاتړ کړی دی.

غفور د خپلې ادعا د ثبوت لپاره د کلبهوشن یاداف یادونه وکړه.

کلبهوشن یاداف د ۲۰۱۶ په مارچ کې د پاکستان په بلوچستان کې ونیول شو. (د نوموړي په اړه ولولئ)


پاکستان، په افغانستان کې د هند رول نه شو منلی

416 total views, 2 views today

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2