Categories

اعلان

Loading…

یوه کوچنۍ سیاه د مځکې له څنګه تېره شوه

تاند- یوه سیاره ګۍ، چې قطر یې ۱۵ متره و، د مځکې له څنګه په داسې حال کې تېره شوه چې سرعت یې په یو ساعت کې ۳۴ زره کیلومتره و.

دا په ۲۰۱۷ م کال کې دوه پنځوسمه یا وروستۍ سیاره ګۍ وه چې د مځکې له څنګه تېره شوه.

مخکې تر مخکې ساینسپوهانو اټکل کړی و چې د دسمبر میاشتې په نیمايي کې به یوه کوچنۍ سیاره د مځکې له څنګه تېره شي.

خو دا سیاره ګۍ د دسمبر په نیمايي کې نه بلکې تېره اوونۍ د پنجشنبې په ورځ د دسمبر په اته ویشتمه تېره شوه.

د دوی په وینا د دې سیاره ګۍ پلنوالی به ۵ کیلو متره وي.

د روسیې د ایمانویل کانت پوهنتون ساینسپوهانو ویلي و چې دا کوچنۍ سیاره (۳۲۰۰Phaethon) نومول شوې او دقیقاً به د دسمبر په اوولسمه د مځکې له څنګه تېره شي.

ناسا پخوا د دې سیاره ګۍ په اړه ویلي و چې ممکن خطرناکه وي. ناسا همداراز ویلي چې دا سیاره ګۍ به له مځکې ۱۰ ملیونه او درې لکه کیلومتره لېري تېرېږي.

د ساینسپوهانو په وینا د دې سیاره ګۍ عجیب مدار سبب کېږي چې لمر ته ډېره نژدې شي.

دا سیاره ګۍ د مځکې او سپوږمۍ ترمنځ تېره شوه.

تر دې وړاندې د سږ کال د اګست میاشتې په وروستیو ورځو کې یوه نسبتاً لویه سیاره ګۍ د مځکې د کرې له څنګه تېره شوې ده.

د فلورانس په نوم دا اسماني پرښه یا ډبره، چې اندازه یې ۴ کیلومتره او ۴ سوه متره وه، د اګست په دېرشمه د مځکې کُرې ته نژدې تېره شوه  او هیڅ خطر یې پېښ نه کړ.

له اټکلونو سره سم فلورانس له مځکې تر ټولو په نژدې حالت کې ۷ ملیون کیلومتره واټن درلود.

7 total views, 2 views today

Leave a Reply

Your email address will not be published. Required fields are marked *