Categories

اعلان

Loading…

په جوزجان کې د داعش ۲۶ غړي ووژل شول

تاند- افغان امنیتي چارواکي وايي چې په جوزجان ولایت کې د داعش ۲۶ غړي، چې ۳ یې فرانسویان او ۴ ازبکستانیان دي، وژل شوي دي.

د جوزجان امنیه قوماندان فقیرمحمد جوزجاني نن /سې شنبه/ رسنیو ته وویل، افغان امنیتي ځواکونو پرون مازدیګر په درزاب ولسوالي کې د داعش پر غړیو حمله وکړه.

درزاب د افغانستان په شمال کې د داعش تر ټولو مهم مرکز ګڼل کېږي.

د دغه ولایت په قوش تېپه ولسوالي کې هم داعش زیات فعال دی.

د جوزجان امنیه قوماندان وايي، د افغان امنیتي ځواکونو په عملیاتو کې د داعش ۲۴ نور غړي ژوبل شوي دي.

د جوزجاني په وینا په وژل شویو او ټپیانو کې د داعش مهم کسان شامل دي.

په وروستیو کې د جوزجان چارواکو وویل چې په درزاب ولسوالي کې داعش د تروریستانو د روزنې مرکزونه جوړ کړي چې شاوخوا ۳ زره ماشومان هم پکې روزل کېږي.

د جوزجان چارواکي وايي چې په درزاب کې د بېلابېلو هیوادونو ترهګر راټول شوي دي.

50 total views, 1 views today

Leave a Reply

Your email address will not be published. Required fields are marked *