Categories

اعلان

Loading…

د سولې د هڅو دوام او د ولس مرسته | نظرمحمد مطمئن  

له ۲۰۱۰ ز. کال را په ديخوا د سولې برخه کې مو منډې کړي، له ۲۰۱۱ څخه تر ۲۰۱۷ کال پورې مو د سولې د ارمان په موخه بېلابېلو هیوادونو ته سفرونه وکړل، له کورنیو او بهرنیو د افغان جګړې او سولې د خیل اړخونو سره مو لیدنې وکړي.

زموږ د سولې فعالو ملګرو د ۲۰۱۶ کال په اخر او د ۲۰۱۷ کال په لومړیو کې محسوس پرمختګ درلود. له خپلو هڅو خوشاله وو، د سولې برخه کې امیدونه مو زیات شوې وو.

له بده مرغه چې د ۲۰۱۶ کال نومبر میاشت او بیا د ۲۰۱۷ کال د اګسټ میاشت کې د سولې ضد کړیو او خنډ جوړونکو زما او ملګرو په وړاندي زغم له لاسه ورکړ، موږ ته یو لړ ستونزې جوړې شوې.

لا هم د سولې مخکې بلا ډیرې ستونزې شته چې موږ یې باید په حوصله سره زغم ولرو، او ستونزې وګالو.

ډیر ځله مې په ځینو مجالسو کې ملګرو ته ویلي و چې د ۲۰۱۷ تر پای پوري لا هم د سولې کاروان کې هر ډول ملګرتیا او قرباني ته تیاری لرم. 

دا دی ۲۰۱۷ کال پای ته ورسیدی، ولي  زموږ باعزمه مسلمان افغان  ولس د اور په تنور کې سوزول کیږي، د جګړې تنور ګرم شوی، او لا هم د دي تنور د ګرم کیدلو لپاره د افغان ځوانانو جسدونه د اور تنور ته غورځول کیږي.

سوله اوږد  مزل دی، اسانه کار نه دی، په دي لاره کې ستونزو ګاللو ته باید افغان ځوانان چمتو وي.

یوه هیله بخښونکی حرکت چې زه او زما نږدې ملګري د۲۰۱۷ کال په وروستیو میاشتو کې ورسره مخ شوو، د سولې برخه کې موږ د بېلابېلو ډلو او سولې فعالو حرکتونو استازو سره غونډې درلودلې، ټولو دا تشه حس کړي وه، چې باید د سولې برخه کې په ګډه کار وشي، په همدې کې لږ پرمختګ وشو، او لا هم هڅه روانه ده.

په زړه پورې او هیله بخښونکي د سولې اړوند غونډه زما لپاره د ۲۰۱۷ کال وروستي ورځ  وه چې موږ د سولې ځینو مشهورو فعالو پکې برخه درلودله، د  افغان حکومت له مهمو کسانو مو ځینې واضح او روښانه څرګندونې واوریدي، هغوی په دي ډیر زیات ټینګار وکړ، چې د سولې لپاره اراده او تعهد لري، او د عملي سولې میدان ته ننوتل غواړي. ډیر داسي څه وویل شول چې ګډونوالو ته هیله بخښونکې ښکاریدل، زه امید لرم چې هغوی به خپلو خبرو ته عملي جامه ور اغوستلو کې سُستي ونه کړي.

داسي ښکاري چې امریکا یو ځل بیا هم خپل جنرالان د جګړې په ډګر کې ازمویې، د افغان ولس قوي هوډ به د امریکا جګړه غوښتونکې جنرالان د پخوا په ډول له ناکامي سره مخ کوي ان شاء الله. او داځل به هم  د پخوا په ډول د امریکا جنرالان  او د ټرمپ د جګړې تګلاره بیا ځل د جګړې په ډګر کې خپل امریکایې ولس ته ناکام ثابتیږي ان شاء الله ،  موږ اوس او بیا په امریکایانو ږغ کوو چې د جګړې پر ځای د سولې لاره خپله کړي.

ددې لپاره چې هیواد مو یوې بلې لویې غمیزي ته د ننوتلو په درشل کي دی، زه په ټولو ملګرو او دوستانو او د سولې غوښتونکو افغانانو باندي ږغ کوم چې د سولې برخه کې زموږ سره ودریږي، زموږ ملاتړ د پخوا په شان جاري وساتي، او د سولې برخه کې قرباني ورکولو ته چمتووالي ولري.

زه له خپلو دوستانو غواړم چې د جګړې کمولو او پای ته رسولو کې هر یو مسؤلیت لري، او  باید له خپل مسؤلیت څخه تیښته ونه کړو.

د سولې برخه کې ستاسي ملاتړ، ستاسي مثبت او رغنده نظرونه او په دي برخه کې په غونډو کې ګډون او ستاسي  زیاتې مرستې ته سترګې په لاره یو.

قدرمنو! سوله اسانه نه ده، زموږ هیواد کې ۴۰ کاله جګړه شوې، اوسنۍ ۱۷ کلنه جګړه چې د امریکا په تاریخ کې د دوی په وړاندي اوږد او تاریخ جوړونکی د افغان ولس مقاومت دی، جریان لري. د سولې لپاره موږ ډیر وخت او ډیرې قرباني ته، دا رنګه لوړې  حوصلې او ډیر زغم ته اړتیا لرو.

 د ۲۰۱۸ کال په لومړیو شپږ میاشتو کې موږ امید لرو چې یو محسوس بدلون وګورو، له ښکېلو لورو هم هیله کوو چې د مثبت بدلون په اړه فکر وکړي، که مو پدي برخه کې پرمختګ  ولارو او یا داچې  په دې برخه کې مهم او لوی خنډونه به کوم وي،  په وخت سره به یې ستاسي دوستانو سره شریک کړو.

زه له ګردو ملګرو او دوستانو مننه کوم چې د سولې منډو کې زموږ ترڅنګ دریدلي او موږ یې تر دې مهاله یوازي نه یو پري ایښي.

زموږ ګردو ملګرو  لپاره ځانګړې دعاوي کوئ، چې الله ج موږ له انحراف، معاملې او ناسمو کړنو څخه وساتي.

397 total views, 1 views today

3 comments

  1. رسولی Reply

    مطمئن صاحب
    ته لږ خدای ته مخ کړه او لږ دې ولس ته مخ کړه او بې ځایه د پردی پالو لپاره چیغي مه وهه.
    داسې خبرې مه کوه چې په راتلونکي کې په خپلې پرې شرمېږي

  2. اسلم سلطانی Reply

    که ځای ريښتیا د سولی د را وستو مدعی بولي نو هیله ده چې بې طرفه و اوسي
    په رسنیو داسې خبرې کوي لکه د طالبانو ویاند او دلته بیا ځان د سولې مدعي بولي

  3. جمال Reply

    ته سوله څه کوې تا خو په خپل فیسبوک لیکلي وو چې له کابل نه مدینه درته بهتره ده.‌ داسې چې د مدینې شوقي یې ته ورشه چې دوه ورځې دې په کې پرېږدي؟ بدبختانو همدا ستاسو له لاسه افغانستان در په در او خاورې په سر شو.

Leave a Reply to اسلم سلطانی Cancel reply

Your email address will not be published. Required fields are marked *

۸

د خپلواکۍ 100 کالیزه Independence

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور

فرخنده باد صدمین سالگرد استرداد استقلال افغانستان

استاد عارف نظر صدسال پیش از امروز مردم آزاده افغانستان، ثمره جانبازی ها، قهرمانی ها و مبارزات استقلال طلبانه فرزندان خویش…

فرخنده باد صدمین سالگرد استرداد استقلال افغانستان

20 Aug 2019 خپلواکي مقالات دری تاند No comments

نور

د غازي امان الله خان سل ارمانونه

1.        افغانستان منظم مالیاتي سیستم ولري 2.      افغانستان قوی مالي نطام ولري 3.      افغانستان خپلې پیسې ولري 4.      افغانستان خپل تولیدات ولري 5.      افغانستان خپله بريښنا ولري 6.      افغانستان توکي ټولې…

د غازي امان الله خان سل ارمانونه

19 Aug 2019 خپلواکي مقالې تاند No comments

نور

 بیست و هشت اسد؛ روز استقلال کشور! | توفیق عظیمی

بیست و هشتم اسد، حماسه یک روز، افتخار جاویدان، روز استرداد استقلال کشور است، که از آن ۱۰۰ سال میگذرد. در بیست و…

 بیست و هشت اسد؛ روز استقلال کشور! | توفیق عظیمی

19 Aug 2019 خپلواکي مقالات دری مقالې تاند No comments

نور

د خپلواکۍ فکر | معروف افغان

ازادي او خپلواکي، دوه جلا مفاهیم افاده کوي او لازمه ده چې جلا جلا چلندونه ورسره وشي. د ازادۍ په…

د خپلواکۍ فکر | معروف افغان

18 Aug 2019 خپلواکي مقالې تاند No comments

نور

بلخي نجلۍ او ځوان د خپلواکۍ په ورځ په اماني…

تاند، دوشنبه د اسد ۲۸مه: په بلخ کې یوې ناوې او زوم د خپلواکۍ د سلمې کلیزې له ورځې سره…

بلخي نجلۍ او ځوان د خپلواکۍ په ورځ په اماني کالیو کې واده وکړ

19 Aug 2019 خبرونه خپلواکي م. عاصم خوږیاڼی Comments (1)

نور

طالبانو بغلان کې د خپلواکۍ سلمه کلیزه نمانځلې ده

تاند، دوشنبه، د اسد ۲۸مه: طالب ویاند ذبیح الله مجاهد وایي، جنګیالیو یې نن تر خپلې ولکې لاندې ځینو سیمو…

طالبانو بغلان کې د خپلواکۍ سلمه کلیزه نمانځلې ده

19 Aug 2019 خبرونه خپلواکي م. عاصم خوږیاڼی Comments (1)

نور

د خپلواکۍ لمانځل څه ګټه لري؟

لیکنه: نورالله غازي هیوادونه د خپلواکۍ په لمانځلو سره خپلو خلکو ته بیا بیا وریادول غواړي چې دا هیواد داسې په…

د خپلواکۍ لمانځل څه ګټه لري؟

19 Aug 2019 خپلواکي مقالې تاند No comments

نور

غازي امان الله خان ته | ګل آغا احمدي وردګ

رښتیا هم چې تا سل کاله مخکې په نره توره د افغانستان آزادي له اشغالګرو انګرېزانو څخه بېرته واخیسته او…

غازي امان الله خان ته | ګل آغا احمدي وردګ

19 Aug 2019 خپلواکي مقالې تاند No comments

نور

د افغانستان د خپلواکۍ ستونزمن مزل

لیکنه: محمد نور الهام افغانان د ۲۰۱۹ کال د آګسټ په ۱۹مه چې د ۱۳۹۸ ل ل د زمري له ۲۸مې…

د افغانستان د خپلواکۍ ستونزمن مزل

19 Aug 2019 خپلواکي مقالې تاند No comments

نور
  • 1
  • 2