Categories

اعلان

Loading…

په ۲ ثانیو کې ۱۰۰ کیلو متره سرعت اخیستونکی الیکترونیک موټر

تاند- یوې تایوانۍ کمپنۍ داسې الیکتریکي موټر جوړ کړی چې په څه کم دوو ثانیو کې یې سرعت په یو ساعت کې ۱۰۰ کیلو مترو ته رسېږي.

دا موټر د ټیسلا تر موټرو چټک دی.

د تایوان کشینګ موبیلټي (Xing Mobility) په نوم کمپنۍ د خپل میس آر (Miss R) موټر نمونه نندارې ته وړاندې کړه.

دا موټر، چې قدرت یې زر کیلوواټه دی، د لویو لارو لپاره مناسب دی او په نژدې دوو ثانیو کې خپل سرعت په هر ساعت کې سل کیلو مترو ته رسولی شي چې د ټیسلا تر نوي ماډل روډستار تېز دی.

کشي موبیلټي کمپنۍ ویلي چې تر اوسه پورې یې د یو ملیون ډالرو په لګښت یوازې ۲۰ میس آر موټرونه جوړ کړي دي.

د دې شرکت په وینا د دغه موټر یوه ښه ځانګړتیا د هغه د ماشین سړوونکې تکنالوژي ده.

بېټرۍ یې په یوه خاصه مایع کې ساتل کېږي.

د میس آر موټر یوه بېټرۍ یو میګاواټ برښنا تولیدوي چې دا د موجودو الیکتریکي یا برقي موټرو د بېټریو له تولیدېدوونکې انرژۍ په سلو کې له ۳۰ تر ۵۰ سلنې کمه ده.

خو د دې موټر بېټرۍ په اسانه بدلېدای شي. هره بېټرۍ په ۵ دقیقه کې بدلېدای شي.

19 total views, 1 views today

Leave a Reply

Your email address will not be published. Required fields are marked *