Categories

اعلان

Loading…

د ایران د قدس ځواک قوماندان وايي، د افغانستان په خاوره کې یې ایرانی یرغمل وژغوره

تاند- د ایران د اسلامي انقلاب د پاسدارانو د قدس ځواک قوماندان بریدجنرال محمد ماراني وايي، د افغانستان په خاوره کې دننه یې په یو لړ عملیاتو کې یو ایرانی برمته شوی انجنیر خلاص کړی دی.

د ایراني خبري اژانسونو د راپورونو له مخې، دغه ایرانی انجنیر، چې حسین حاج ملک نومېږي، د قوس په ۲۳مه د ایران په سیستان او بلوچستان ایالت کې تښتول شوی او د افغانستان یوه سرحدي ولایت ته وړل شوی و.

د جنرال ماراني له قوله تسنیم خبري اژانس نن /یکشنبه/ وویل«د قدس ځواکونو په یو لړ استخباراتي او عملیاتي اقداماتو کې د (جهاد نصر) شرکت یو انجنیر، چې د برمته نیوونکو له لوري د ګاونډي هیواد(افغانستان) یوه سرحدي ولایت ته وړل شوی و، وژغوره.»

ده همداراز ویلي چې دغه انجنیر په سیستان او بلوچستان ولایت کې د هامون ښارګوټي کروندګرو ته د اوبو د مهیا کولو په پروژه کې کار کاوه.

ماراني ویلي چې یرغمل نیوونکو د دغه ایراني انجنیر د کورنۍ له غړیو سره تماس نیولی و او د هغه د خلاصون لپاره یې پیسې غوښتې وې.

د جنرال ماراني په وینا انجنیر د تېرې یکشنبې په ورځ وروسته له دې خوشي شو چې د هغه پلار د قدس ځواک اډې ته لاړ او مرسته یې وغوښته.

په خبر کې دا هم ویل شوي چې د قضيې په تړاو ۵ تنه، چې له یرغمل نیوونکو سره یې همکاري کړې وه، په ایران کې نیول شوي دي.

ایراني رسنیو په دې اړه څه نه دي ویلي چې نیول شوي کسان یا یرغمل نیوونکي ایرانیان که افغانان دي.

د انجنیر د خلاصون دقیقه سیمه هم نه ده ښودل شوې خو داسې ښکاري چې نیمروز ولایت به و ځکه چې ویل شوي چې د نوموړي سوځېدلی موټر په نیمروز کې موندل شوی و.

د ایراني نظامیانو له لوري د افغان حکومت له موافقې او اطلاع پرته د افغانستان په خاوره کې د عملیاتو په وړاندې د افغانستان حکومت تراوسه غبرګون نه دی ښکاره کړی.

د ایران قدس ځواک پخوا د افغانستان د اوبو په بندونو باندې په حملو کې په لاس لرلو تورن شوی دی.

د ایران د سپاه دا ځواک د بهرنیو عملیاتو لپاره جوړ شوی. د سوریې جګړې ته هم دا ځواک افغانان بیايي.

461 total views, 1 views today

2 comments

  1. عبدالله Reply

    ځما په ګمان د ایران د پاسدارانو د قدس ځواک قوماندان غواړی په دغه دروغجن خبر سره د یوی خوا خپل ځان مشهور کړی، او دبلی خوا که دغه کار شوی وی نو شاید هغه بی شرمه افغانان چه د خلیلی لخوا د ایران پاسدارانو ته معرفی شوی وی، دهغوی څخه کار اخستل شوی وی او دغه انجنیر ازاد شوی وی.

    ددغه خبر په خپریدو می بل ګمان دا دی، چه دغه د انجینیر د یرغملیدو خبره شاید یوه دوکه او د ایران یوه استخباراتی جوړه شوی ډرامه وی، ځکه د ایران پاسداران غواړی په دغه بهانه داعیش او یا طالیبانو ته اسلحه او یا نور جنګی وسایل انتقال کړی.

    بیا هم وایم چه شاید دغه برمته شوی انجنیر د ایران دپاسدارانو لخوا تریننګ شوی وی، او په دغه خبر سره قوماندان غواړی چه خپله مشهورتیا ډیره کړی.

    په اخر کی وایم چه د خلیلی، عطآ نور او لطیف پدران غوندی ایران پلوه افغانان ځمونږ په خاوره کی شتون ولری، داسی نادودی او ډرامی به ځمونږ په پاکه خاوره روانی وی.

  2. انجنیر عبدالروف حقیار Reply

    زما په ګومان داهسې تبلیغات دی چې سپاه نامقدس غواړي خپل پوځ ته روحیه ورکړي.
    او که احیانا دوي کوم عملیات هم کړي وي ، د خپلو افغاني بړیڅو په مرسته به داسې کوم څه سرته رسېدلي وي. په هرحال د نړیوالو اصولو په اساس دا د ایران له لوري یو مستقیم تجاوز دی .

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2