Categories

اعلان

Loading…

ارګ د جمعیت ګوند شرطونه رد کړل، عطانور وايي، فرهاد عظیمي دې والي شي

تاند- په داسې حال کې چې عطا محمد نور په یو شرط د خپلې استعفا منلو ته تیار شوی د جمعیت ګوند نور غړي وايي چې ارګ د دوی شرطونه رد کړي دي.

د ولسي جرګې غړی او د جمعیت ګوند یو مشر حفیظ منصور وايي چې دوی د عطا محمد نور د لېرې کېدو په اړه د خپل ګوند شرطونه ولسمشر ته وړاندې کړل خو ولسمشر حاضر نه دی چې د عطا نور د برطرفۍ پرېکړه واخلي.

منصور وايي چې د دوی دوه مهم شرطونه دا دي چې د بلخ نوی والي دې د جمعیت ګوند د موافقې پر اساس وټاکل شي او دغه راز دې جمعیت ګوند ته دوه وزارتونه او دوه سفارتونه ورکړل شي.

د منصور په وینا ارګ دا شرطونه هم رد کړي دي.

په همدې حال کې د ارګ سرچینې وايي چې عطا محمد نور ورته وړاندیز کړی چې د بلخ لپاره د ټاکل شوي والي انجنیر محمد داوود پر ځای دې فرهاد عظیمي والي وګوماري.

فرهاد عظیمي په ولسي جرګه کې د بلخ یو استازی دی چې تل د عطا محمد نور په استازیتوب له رسنیو سره خبرې کوي.

په همدې حال کې د بلخ مرستیال امنیه قوماندان حسیب قریشي، چې تر لاس لاندې په سلګونو خپلسري ملېشې لري، خبرداری ورکړی چې د مرکزي حکومت د پرېکړې په وړاندې د عطا محمد نور ملاتړ کوي.

84 total views, 1 views today

4 comments

  1. عبدالله Reply

    نه پوهیږم چه دغی سړی خوار پلقی مکتب ویلی او که نه ، کله کله په مطبوعاتو کی اورم چه دغه سړی یو وخت مالیم تیر شوی دی، خو اوس ددغی سړی د کړنو او کردارونو څخه داسی معلومیږی چه دا نه معلم تیر شوی او نه متعلم تیر شوی.

    افسوس کوم چه د افغانستان په دغه پاکه خاوره کی ولی داسی نامعلومی او پردی پالی څیری شتون لری.

  2. شاهین افغان Reply

    په علمي ساحه کې د پوهنتون استادان د « استاد » د شریف اوسپیڅلي لقب ویاړ لري.
    د ښوونځیو ښوونکو ته هم استاذ وایی او همدا راز دریورانو ته هم د استاذ خطاب کیږي.
    مونږ او تاسې خپلو خلیفه ګانو « ډمانو » ته هم استاد وایو ، او خلیفه عطامامد نور هم د خپل پلرني کسب او قوم په اساس یو خلیفه ده نو ځکه هغه ته هم د استاد خطاب کوي.
    او که تاسو یې نه مني نو د هغه کړنو او اعمالو او خبرو ته وګورئ.

  3. Sayar Reply

    د لوی افغانستان نوی او بیدار نسل ددی عظيمی خاوری
    د پوه شخصیتونو په تو ګه یواځی د پښتنو نه بلکه د ټولو افغانانو د حقوقو څخه د فاع دریځ باید غوره کړی

    لوی افغانستان . نه یواځی د پښتنو بلکه د ټولو سرلوړو قومونو واحد وطن وی

    موږ ویاړو چی د تاریخ په اوږدو کی پدی لوی وطن کی زمو کور او ګور تل ګ‌‌‌‌‌‌ډ پاتی شوی

    د لوی افغانستان تحریک د هزاره پنجشیری پښتون ازبګ بلوچ او تاجک په نامه توپير ونو په وړاندی نه پخلا کیدونکی مبارزه کوی

    افغانان د قام یا سیمی او د جنګسالانو په خوښه نظام جوړل ددی تاریخی هیواد په وړاندی خیانت او د دښمن دسیسه ګنی

    کله چی موږ افغانن وایو مقصد مو د باجوړ د پښتون د بدخشان د قرغز او دشبرغان د ازبک جلااباد د تلوار سنګ او ددای مرداد. د هزاره څخه دی څخه دی

    لوی او با عظمته افغان تل عقیده لری چی د قانون حاکمیت او په قام کی د اعتماد رامنځ ته کول د زور واکی د نشتولو يواخینی لار ده

    د هند سمندر ته افغانان د لار تر لاسه لوکو مشروع او تاریخی حق لری
    ا
    لوی افغان د امو نه تر اباسینه د واحد کور جوړولو. پریکړه کړیده
    د فساد نیپوتیزم او د تبیض په وړاندی چی د سیمی ژبی مذهب او قوم په بنیاد د. قام په منځ کی بیلتون رامنخ ته کوی نه ستړی کیدونکی مبارزه وکړه

    زموږ په راتلونکی باید د قانون حاکمیت وی نه د زورواکانو. ملی ضد دریخ

    تاسو دی سرلوړی. او د تاسو د عزت شمله تل لوړه

    ژوندی دی وی د لوی افغانستان تحریک

    سبار
    د پالیسی پلانولو د کمټي غړۍ
    سدنی

  4. محمد صابر ګــنډېروال Reply

    د جمیعت جنګسالاري ډلي د بینانسیوان د سولي پلان په شنډه ولو سره د افغانستان او نړۍ په وړاندي د نا قانونه غوښتنولړۍ پيل کړه اوتر ټولو زیات د کرزي په دوره کي خروړي او خډر شوو او لا دوام لري په تېرو وختونو کي چي هرڅومره امتیازات ور کړل شول لا د دې ملت او دولت پر حق خوړلو ور تېز شول له ځان څخه پرته بل هیچاته د هیڅ شي حق نه ورکوي ټو ل ملت دولت او نړۍ واله ټولنه یرغمل کول غواړي هیڅ ډول قانون ته ځان پړ نه بولي نو دوۍ هروخت یو معلیم عطا پیدا کوي او سل ډوله پلمې لټوي نو باید د دغو لېوانو پر وړاندي ټینګ دریځ غوره شي او قانون پر دغي منفوري ډلي هم عملي شي

Leave a Reply

Your email address will not be published. Required fields are marked *