Categories

اعلان

Loading…

څنګه کولای شو چې له انټرنیټ وړیا کتابونه ترلاسه کړو؟

د اقتصاد پوهنځي محصلینو او سوداګرو لپاره

کله چې تاسې په تجارتي او سوداګریز چاپیریال کې واقع یاست او یا په اقتصاد او تجارت برخو کې زده کړې کوئ نو ښکاره ده چې وروستي او نوېو څیړنو، کتابونو او مقالو لوستلو ته اړتیا لرئ.

زمونږ ټولنه له هرې خوا ځپل شوي ده او بیا رغونه یې له کمو امکاناتو څخه اعظمي ګټې اخیستنې ته په طمعه ده، زده کړې او سواد د دې په شمول نورو ګڼو ستونزو ته د پای ټکې ایښودی شي، خو له بده مرغه زمونږ په خواره ټولنه کې د کتاب لیکلو او لوستلو دواړه فرهنګه تت دي. نو د مطالعې فرهنګ د نه دود یوه وجه دا هم کیدای شي چې خلک د غربت له وجې د لوی حجم لرونکې کتاب فزیکې خرید ته لاس رسی نه لري.

خالد حق مل

نو نن زه درته په دې لیکنه کې هغه ۹ (نهه) ویب سایټونه ښایم چې تاسې ترې په وړیا توګه هر وخت هر ډول اقتصادي او سوداګریز کتابونه ډونلوډولی او لوستلی شئ.

Bestebooksworld۱:

دا سایټ دعوه لري چې مونږ د نړۍ ترټولو ستر وړیا کتاب ورکولو ټیم یو چې دا دعوه یې تر ډیره په ځای ده. دوئ تقریباً د ۵۰۰ کتابونو څخه زیات د (PDF) په شکل خلکو ته وړیا ورکوي چې زیاتره یې د بازارموندنې ، مالي مدیریت ، اقتصاد او پلورنې اړوند دي.

۲: E-Books directory

دا سایټ په ۲۰۰۸ کال کې فعال شوی دی او د وړیا ښکته کیدونکو(ډونلوډیدونکو) کتابونو نښلونې(لینک) درته درښایي. دوئ هم په خپلې انلاین کتابخانې کې په سلګونه کتابونه لري چې زیات یي د اقتصاد او تجارت اړوند کتابونه دي.

۳: Barnes & Noble

د دې سایټ د فعالیت نیټه هم ۲۰۰۹ ښودل شوي ده چې د متحده ایالاتو د انلاین کتابونو د سایټونو په منځ کې کافي شهرت موندلی دی. نوموړی سایټ تر ۲۱۰۰ پورې انلاین کتابونه لري چې په وړیا توګه یې نړیوالو لوستونکو ته وړاندې کوي خو باید وویل شي چې دا کتابونه هم د تجارت، اقتصاد او بازارموندنې اړوند دي.

۴:  Project Gutenberg

دا هم د مهمو او مشهورو ډیجیټلي انلاین کتابخانو څخه یو مشهور سایټ دی چې تر ۴۹۰۰۰ (نهه څلویښت زره) زیات کتابونه یې د انلاین مطالعې او یا ډونلوډولو لپاره په وړیا توګه وړاندې کړي دي.

۵: Bookboon

د دې سایټ مرکز ډینمارک کې دی چې په ۱۹۸۸ کال کې یې فعالیت پیل کړی دی. دا سایټ یواځې د تجارت او سوداګرۍ د محصلینو او مسلکیانو لپاره تاسیس شوی دی چې تقریباً تر ۱۰۰ زیات وړیا انلاین کتابونه لري چې ډیر یې د بشري سرچینو مدیریت او محاسبې اړوند دي.

۶: Google Books

ګوګل دا خدمات په ۲۰۰۴ کال کې په لار واچول چې د کتابونو او مجلو څخه لیکنې راټولوي او په ډیټابیس کې یې ذخیره کوي. چې د اړتیا پرمهال ترې مونږ ګټه اخلو. د ګوګل کمپنۍ سایټ د هرې موضوع اړوند په زرګونه لینکونه درکوي.

۷: Open Library

دا خدمات په ۲۰۰۶ کال کې پیل شول چې د هر کتاب او خپرونې لپاره ځانګړي ویب صفحه لري تر اوسه یې شل میلونه ریکارډونه ثبت کړي دي چې د Amazon.com  او کانګریس نه یې تر لاسه کړي دي چې تقریباً ۲۲۳۰۰۰ خپرونې یې د اقتصاد او منیجمنټ مربوط دي.

۸: Foboko

فابوکو په ۲۰۱۲ کال کې په فعالیت پیل وکړ چې په دې لیسټ کې یو بې مثله ریکارډ لري. فابوکو د لیکوالو ټولنه ده چې لیکوالان پکې خپل کتابونه خپروي. ۱۴ صفحې د ګټورو وړیا انلاین کتابونو لري چې د محاسبې ، بشري سرچینو مدیریت ، سوداګریزې اړیکې کتابونو علاوه  د سوداګرو لپاره بیلابیل هدایات او لارښونې ورکوي.

۹: Amazon

د امازون ویب سایټ سره خو ټول اشنا یو کوم چې په ۱۹۹۴ کال تاسیس شو او په انلاین تجارتي نړۍ کې خاص نوم او مقام لري چې مونږ او تاسې پکې په انلاین توګه کتابونو، سافټ ویرز او نور بیلابیل ډیجیټلي توکې پیرو یا پلورو.

خو له دې ور اخوا امازون تر ۱۰۰۰ زیات وړیا انلاین کتابونه لري چې د اقتصاد او تجارت اړوند دي خو د دې کتابونو د لاس رسي لپاره باید د امازون اکونټ ولرو.

خالد حق مل

2,316 total views, 2 views today

1 comment

  1. RAZMOHAMMED KAMAWALL Reply

    THANK YOU KHAQMAL SAHIB/THIS INFORMATION IS VERY BENEFITFULL,
    I HOPE OUR AFGHANS GET ENJOY,
    OUR SOCIETY NEED MORE TO STUDY,

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2