Categories

اعلان

Loading…

سرتیري نه مري | لیکواله: نعیمه غني

د پیښې په اړه مې اوریدلي وو ځکه خو مې فیسبوک خلاص نه کړ، تر څو چې بیا مې په وینو او د مړو په جسدونو سترګې ونه لګیږي. ځکه بیا مې څو ورځې نه هیریږي، خو د خوب څخه د مخه مې د سبا غونډه راپه زړه شوه او له ځانه سره مې وویل: سبا به خدای خبر غونډه وي که نه؟ هسې ما د همدې غونډې په نامه د سبا ورځې لپاره له ښوونځي رخصت اخیستی و.

اړه شوم چې فیسبوک مې وګورم او د غونډې په اړه ځان خبر کړم. څو پوستونه مې تر سترګو تیر شوي نه وو چې یو انځور مې مخې ته راغی، د هماغه ورځې د پیښې و. یوه مور د خپل سرتیري زوی جنازې ته ناسته وه او د هغه په بې روحه او بې نبضه سینه یې لاس ایښی و. د سرتیري سینه او د هغې لاس دواړه داسې بې نبضه ښکاریدل لکه چې هیڅ کله یې ساه نه وي اخستې.

انځور ډير ځورونکی و، داسې چې ګمان مې کاوه د دې ښځې پټه خوله او اه به مې زما لمن ونیسي او یو عجیب د ګناه احساس یې راکړ.

اوریدلي مې وو چې اتلان نه مري او تل پاتې ژوند لري، خو ما چې د کوم قهرمان( سرتیري) تصویر ته د خپل کمپیوټر په سکرین کتل نو هغه مړ و. هو مړ… او د خپلې زړې او بې وسې مور مخې ته یې بې روحه کالبوت پروت و. د هغه زړه خاموشه او نبضونه یې غلي وو، هو هغه مړ و لکه د بل هر مرګ په څير د هغه مرګ هم دروند او رښتینی و.

سهار وختي له خوبه راپاڅيدم بیا هم د سخت عذاب وجدان سره مخ وم او د هغې مور ارامې او بې غږه او غمجنې څيرې او سترګې مې زړه ریبلو.

راپه زړه شول چې نن مې رخصت اخیستی خو بیا هم پاڅيدم او ښوونځي ته لاړم هلته ټولو راته ویل چې ولې د رخصت سره بیا هم راغلې یم، کوم ځواب مې نه ورته درلود، خو په زړه کې مې ګمان کاوه چې په دې کار سره ښایي د هغې بورې مور له ښیراوو ځان وژغورم.

دریو صنفونو ته په پرله پسې لاړم او درس مې ورکړ او ګمان مې وکړ چې دا مې په وس کې دي چې د هغې بورې مور او د هغه ځوان شهید لپاره یې کولی شم.

له ښوونځي څخه د غونډې په لور لاړم، هلته مې هم زړه سپک نه شو. ماښام چې کورته راغلم هر څه هماغه ډول وو. خپله د یاداښتونو کتابچه مې خلاصه کړه  کټ مټ د هغې ورځې په څير تشه او بې روحه  وه، یوازې یوه ناکامه جمله په کې ښکاریده د چې د شهید سرتیري په لیدو مې لیکلې وه: ( جګړې ته تلونکي سرتیري د تلو پر وخت خپلې کورنۍ ته په دروغو وویل: زه بیرته راځم!!!)

هغه شپه مې هم د هغې بورې مور په اړه فکر وکړ او بیا داسې راته ښکاریدل لکه یو څه چې رانه ورک وي.

سبا سهار وختي پاڅيدم د موټر پر ځای شل دقیقې پلې لاړم ښار خوځيدونکی او ژوندی ښکاریده که څه هم شین سهار وو خو خلکو په خپلو ورځينو کارونو پیل کړی و د پسرلي خوندوره هوا چلیده سور بخون لمر راختلی و.

ورځ هیلې بښوونکې وه زه په پراخه سرک د لمر خاته په خوا ور روانه وم، د لمر په سرخیو کې د چا د ځوانو هیلو رنګ ښکاریده. د ونو څانګې د پسرلي نري شمال ته ورو ورو خوځيدې، تنکۍ څانګې یې لکه د چا زلمیتوب داسې ښکاریدې.

د لمر له غوړیدو سره د ښار نبض نور هم په زوره او خوځنده کیده.

بیا مې هغه بوره مور او د هغه شهید سرتیري بې نبضه ټټر راپه زړه شو.

خو دا ځل راته د ښار په خوځنده نبض کې د هغه شهید سرتیري د زړه نبض په نظر راغی، د ونو په زلمیو څانګې د هغه د پیکي خوځښت او د لمر په خامه سرخۍ کې د هغه زلمي د څهرې سرخي په نظر راغله. اوس داسې راته ښکاریدل چې هغه د شهید مور خپل لاس د ښار په خوځنده سینه ایښی او د ښار نبضونه په ټوپونو دي.

نور د هغه سرتیري بې روحه جسد لکه په هدف لګیدلی غشی راته ښکاریده، ویاړمن او کمال ته رسیدلی. ومې منله چې سربازي یعنې د خلکو او وطن لپاره جنګیدل او په دې لاره کې وژل کیدل، یعنې هدف ته رسیدل. اوس په دې پوه شوې وم چې د سرتیرو ارواوې پر وطن مینې دي که نه نو هر سرتیری په دې ښه پوهیږي چې د جګړه له میدانه لارې د هدیرې په لور غځيږي نه د کورنو په لور. اوس مې باور شوی و چې هیوادونه د سرتیرو په نبضونو ژوندي دي او هغوی دې چې خپلې ساوې په ښارونو او کلیو ویشي.

هو، سرتیري نه مري بلکې خپل روحونه وطنونو ته سپاري.

ښوونځي ته چې ورسیدم زده کوونکو ملي سرود زمزمه کاوه.

دا هیواد به تل ځلیږي

لکه لمر په شنه اسمان

په سینه کې د اسیا به

لکه زړه وي جاودان

338 total views, 1 views today

Leave a Reply

Your email address will not be published. Required fields are marked *

۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2