Categories

اعلان

Loading…

د بیت المقدس تاریخ، مسلمانان او یهودیان

 سعید احمدي |
بیت المقدس یا یروشلم د فلسطین هغه ښار ده چې د مسلمانانو، یهودیانو او مسیحیانو درې واړو لپاره یو مقدس ښار بلل کیږي، مسحیانو ته ځکه مقدس ده چې مسیح علیه السلام دلته زېږېدلی ده، دلته (هیکل سلیماني) عبادتخانه ده چې د بني اسرائیلو د نبیانو قبله وه. او د مسلمانانو د قبلې له بدلېدو نه وړاندې یعنې لومړۍ قبله همدا بیت المقدس و چې ټولو مسلمانانو به خپل لمونځونه د مسجد اقصی په طرف کول، بیا رسول الله صلی الله علیه واله وسلم د معراج مبارک سفر پر مهال د ټولو انبیاوو امامت همدلته په دې مسجد کې کړی ده، له همدې امله هم ټولو مسلمانانو ته د زیات قدر او تقدس ځای دی.
د بیت المقدس لنډ تاریخ د بیت المقدس لغوي او اصطلاحي معنی (پاک کور) ده، یا دا داسې مبارک کور ده، چې د انسان ګناهونه پکې بخښل کیږي.
بیت المقدس ته په اروپايي ژبو کې (یروشلم) او عربي ژبه کې ورته (القدس) وايي. بیت المقدس شاوخوا غرونه لري او خپله مسجد صخره او مسجد اقصی د (صیهون) په غره کې واقع دي. او له مکې مکرمې نه تقریباً ۱۳۰۰ کیلومتره لرې ده. په لومړۍ پېړۍ کې، کله چې رومیانو بیت المقدس تر خپل واک لاندې راوست، د (ایلیا) نوم یې پرې کېښود. په ۶۲۰عیسوي کال کې رسول الله صلی الله علیه وسلم د جبرایل علیه السلام په رهنمايي له مکې معظمې نه بیت المقدس ته لاړ او بیا یې د اسماني معراج په سفر تشریف ویوړ.
حضرت یعقوب علیه السلام د الهي وحې مطابق د بیت المقدس (مسجد اقصی) بنیاد کېښود او بیا بیت المقدس ښار اباد شو. بیا اوږده زمانه وروسته حضرت سلیمان علیه السلام په ۹۶۱ میلادي کال کې د دې مسجد او ښار د نوي کولو حکم وکړ. چې له همدې امله بیت المقدس ته هیکل سلیماني هم ویل کیږي. هیکل سلیماني او بیت المقدس په ۵۸۶ قمري میلادي کال کې د عراق پاچا (بخت نصر) له خاورو سره برابر کړ او تقریباً یو لک یهودیان یې له ځان سره د غلامانو په توګه عراق ته یووړل. د بیت المقدس د همدې بربادۍ او ویراني په وخت کې حضرت عزیر علیه السلام په دې ښار تېرېده او تعجب یې وکړ چې دا ښار به بیا هم کله اباد شي؟
له دې امله الله تعالی عزیر علیه السلام ته مرګ ورکړ، او کله چې د الله تعالی په خاص قدرت سره سل کاله وروسته دی راژوندی کړای شو، وې کتل چې بیت المقدس ښار په ښایسته بڼه ښکلی ښار جوړ شوی ده او اباد ده. د بخت نصر دتباهۍ نه وروسته دوهم ځل رومیانو بیا له تباهۍ سره مخ کړ او له منځه یې وې ووړ. له دې تباهۍ وروسته بیا رومیانو عیسیویت قبول کړی او د بیت المقدس ښار یې څه ناڅه بیا اباد کړی ده.
د بیت المقدس مسلم تاریخ کله چې نبی کریم صلی الله علیه وسلم د معراج د سفر پر مهال بیت المقدس ته لاړ، تر ۲دویم هجري کال مطابق د ۶۲۴ع کال پورې بیت المقدس د مسلمانانو قبله وه. تر دې چې بیا د الله جل جلاله د حکم په اساس (مکه) د مسلمانانو قبله وګرځېدله. د هجرت په ۱۷ کال مطابق د ۶۳۹ د عمر فاروق رضی الله عنه د خلافت په زمانه کې له عیسایانو سره د یوه تړون او معاهدې له مخې بیت المقدس د مسلمانانو تر واک لاندې راغی. په ۱۰۹۹ کال کې د اول صلیبي جنګ پر مهال صلیبیانو بیت المقدس ونیوه او شاوخوا ۷۰۰۰۰اویا زره مسلمانان یې په ډېرې بې رحمۍ سره په شهادت ورسول. بیا په ۱۱۸۷ کال کې سلطان صلاح الدین ایوبي د خپل لوی او سپېڅلي ارمان له مخې بیت المقدس له صلیبیانو ونیوه.
صلیبیانو چې د بیت المقدس د نیولو پر مهال څه ډول وینې بهولې وې، صلاح الدین ایوبي د لويې کارنامې ترڅنګ هغسې چلند ورسره ونکړ بلکې ټولو ته یې بخښنه وکړه او سره له مال او اولادونو سره یې له بیت المقدس نه د وتلو اجازه ورکړه، هغو ته چې د جزیې ورکولو وس یې نه درلوده، د یې عفوه او د پاتې کېدو اجازه وکړه. د دغې تاریخي فتحې کیسه په (صلیبي جنګونه) کتاب کې وګورئ.
صلیبیانو چې په مسجد اقصی کې د اسونو طبیله جوړه کړې وه، د صلاح الدین ایوبي په امر پاک او د ګلابو په اوبو ومینځل شو. نوی تاریخ او په بیت المقدس د یهودیانو قبضه د لومړي لوی جنګ د ۱۹۱۷ دسمبر پر مهال انګریزانو فلسطین او بیت المقدس ونیوه او دلته یې یهودیانو ته د ابادېدلو اجازه ورکړه. د یهود او نصاراوو د یوه پلان له مخې د ۱۹۴۷ عیسوي کال په نومبر کې فلسطین د عربو او یهودیانو ترمنځ ووېشل شو، او بیا ۱۹۴۸ کال کې یهودیانو د اسرائیلو د قیام اعلان وکړ. او د عربو او اسرائیلو ترمنځ جنګ ونښت.
د دې جنګ په نتیجه کې اسرائیلو د فلسطین په ۷۸ فیصده ځمکه باندې واک راوست، او په ۱۹۶۷ د جون کې د فلسطین (بیت المقدس) ښار هم ونیوه، چې لاتراوسه د یهودیانو په لاس کې ده، او دا یې مرکز ټاکلی، خو رسماً تراوسه (د بیت المقدس ښار د اسرائیلو مرکز ګرځول) پرېکړه هېڅ یوه صلیبي او یهودي پاچا نه وه کړې، ځکه د بیت المقدس تقدس ته په کتلو سره مسلمانان غواړي دغه خاوره د دوی له پلیت حضور څخه پاکه کړي، چې وخت ناوخت دغلته د اسرائيلي غاصبینو او مسلمانانو ترمنځ اخ او ډب جریان لري. بیت المقدس رسماً د اسرائیلو مرکز اعلانول بلاخره تېره چهارشنبه د ۲۰۱۷کال د ډیسمبر په ۶مه نېټه مطابق د ۱۴۳۹ ۱۷ ربیع الأول کې د صلیبیانو پاچا (ټرمپ) لخوا د اسرائيلو پلازمینه او مرکز اعلان شو.
د دغه اعلان او پرېکړې تود هرکلی د اسرائیلو لخوا وشو. تاریخ ته په کتلو سره د بیت المقدس د ازادۍ لپاره یو بل عمر او ایوبي ته ضرورت ده چې دغه مقدسه خاوره د صلیبیانو او یهودیانو له پلیتو منګولو څخه پاکه کړي او مسلمانانو ته بېرته خپل برم اعاده کړي.
ماخذونه: صلیبي جنګونه، دائرة المعارف، ویکيپیډیا

523 total views, 4 views today

1 comment

  1. عبدالله Reply

    په خواشینۍ سره ستاسو لیکنه ډېرې غلطي لري او له زړو ادبیاتو نه مو استفاده کړېده .
    مثلا دا پاراګراف :
    « حضرت یعقوب علیه السلام د الهي وحې مطابق د بیت المقدس (مسجد اقصی) بنیاد کېښود او بیا بیت المقدس ښار اباد شو. بیا اوږده زمانه وروسته حضرت سلیمان علیه السلام په ۹۶۱ میلادي کال کې د دې مسجد او ښار د نوي کولو حکم وکړ. چې له همدې امله بیت المقدس ته هیکل سلیماني هم ویل کیږي. هیکل سلیماني او بیت المقدس په ۵۸۶ قمري میلادي کال کې د عراق پاچا (بخت نصر) له خاورو سره برابر کړ ».
    تر عیسي علیه سلام وروسته او زمونږ د ګران پیغمبر تر منځ کوم بل پیغمبر نه وو راغلي او وروستي پیغمبیر خاتم الانبیا حضرت محمد مصطفی صلی الله علیه والسلم دی. اما ستاسو په لیکنه کې تر میلاد وروسته یعني 961 میلادي کال کې سلیمان علیه السلام د دې مسجد او ښار د نوي کوولو حکم صادرکړی دی چې دا نېټه د حضرت محمد ص له بعثت نه هم درې سوه کاله وروسته ده .
    د عراقی پاچا بخت نصر یرغل مو هم په قمري میلادي ښودلی دی.

Leave a Reply

Your email address will not be published. Required fields are marked *

۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور

فرخنده باد صدمین سالگرد استرداد استقلال افغانستان

استاد عارف نظر صدسال پیش از امروز مردم آزاده افغانستان، ثمره جانبازی ها، قهرمانی ها و مبارزات استقلال طلبانه فرزندان خویش…

فرخنده باد صدمین سالگرد استرداد استقلال افغانستان

20 Aug 2019 خپلواکي مقالات دری تاند No comments

نور

د غازي امان الله خان سل ارمانونه

1.        افغانستان منظم مالیاتي سیستم ولري 2.      افغانستان قوی مالي نطام ولري 3.      افغانستان خپلې پیسې ولري 4.      افغانستان خپل تولیدات ولري 5.      افغانستان خپله بريښنا ولري 6.      افغانستان توکي ټولې…

د غازي امان الله خان سل ارمانونه

19 Aug 2019 خپلواکي مقالې تاند No comments

نور

 بیست و هشت اسد؛ روز استقلال کشور! | توفیق عظیمی

بیست و هشتم اسد، حماسه یک روز، افتخار جاویدان، روز استرداد استقلال کشور است، که از آن ۱۰۰ سال میگذرد. در بیست و…

 بیست و هشت اسد؛ روز استقلال کشور! | توفیق عظیمی

19 Aug 2019 خپلواکي مقالات دری مقالې تاند No comments

نور

د خپلواکۍ فکر | معروف افغان

ازادي او خپلواکي، دوه جلا مفاهیم افاده کوي او لازمه ده چې جلا جلا چلندونه ورسره وشي. د ازادۍ په…

د خپلواکۍ فکر | معروف افغان

18 Aug 2019 خپلواکي مقالې تاند No comments

نور

بلخي نجلۍ او ځوان د خپلواکۍ په ورځ په اماني…

تاند، دوشنبه د اسد ۲۸مه: په بلخ کې یوې ناوې او زوم د خپلواکۍ د سلمې کلیزې له ورځې سره…

بلخي نجلۍ او ځوان د خپلواکۍ په ورځ په اماني کالیو کې واده وکړ

19 Aug 2019 خبرونه خپلواکي م. عاصم خوږیاڼی Comments (1)

نور

طالبانو بغلان کې د خپلواکۍ سلمه کلیزه نمانځلې ده

تاند، دوشنبه، د اسد ۲۸مه: طالب ویاند ذبیح الله مجاهد وایي، جنګیالیو یې نن تر خپلې ولکې لاندې ځینو سیمو…

طالبانو بغلان کې د خپلواکۍ سلمه کلیزه نمانځلې ده

19 Aug 2019 خبرونه خپلواکي م. عاصم خوږیاڼی Comments (1)

نور
  • 1
  • 2